| e-texts navigator |
| Wylie |
106a1 མཛད་དམ་ཞེས་གསོལ་པ་དང་།རྒྱལ་པོས་ཀྱང་བྲམ་ཟེ་དེ་ལ་ཁ་ཟས་ཀྱིས་ཚིམ་པར་བྱིན་ནས།བྲམ་ཟེ་ཡང་རབ་ཏུ་དགའ་སྟེ།ཕྱིར་བདག་གི་ཡུལ་དུ་སོང་ངོ་།།དེ
106a2 ནས་རྒྱལ་པོས།རྒྱལ་བུ་འགུགས་པའི་ཕོ་ཉ་བཏང་ནས།ཕོ་ཉ་ཡང་དེ་མ་ཐག་ཏུ་ཆས་ཏེ།རྒྱལ་བུ་ག་ལ་བ་དེར་སོང་ངོ་།།དེར་ཕྱིན་པ་དང་།ཆུ་ཞིག་ལ་མ་མཐར་ནས།ཕོ་ཉ་དེས
106a3 རྒྱལ་བུ་ཉིད་ཡིད་ལ་བྱས་ཏེ།བསམས་མ་ཐག་ཏུ་ཆུ་དེ་ལས་ཐར་ནས།རྒྱལ་བུ་གང་ན་བ་དེར་ཕྱིན་ཏེ།རྒྱལ་པོའི་བཀས་རྒྱལ་བུ་སླར་ཡུལ་དུ་གཤེགསུ་གསོལ་ཞེས་བསྒོའོ།།
106a4 རྒྱལ་བུས་ཕོ་ཉ་ལ་སྨྲས་པ།ཐོག་མ་རྒྱལ་པོས་ལོ་བཅུ་གཉིས་ཀྱི་བར་དུ་རི་ལ་བསྒོམས་ཤིག་ཅེས་བསྒོ་སྟེ།ད་དུང་ལོ་གཅིག་མ་ཚང་བས།ད་ལོ་ཚང་ནས་བདག་འགྲོའོ་ཞེས་བསྒོའོ།།
106a5 དེ་ནས་ཕོ་ཉ་ཡང་ཕྱིར་ལོག་ནས།རྒྱལ་པོ་ལ་དེ་བཞིན་དུ་གསོལ་བ་ལས།རྒྱལ་པོ་ཉིད་ཕྱག་དར་།ཡི་གེ་བྲིས་ནས།ཕྱིར་ཕོ་ཉ་ལ་བསྐུར་ཏེ།འདི་སྐད་ཅེས་བསྒོའོ།།
106a6 ཁྱོད་ནི་མིའི་ནང་ན་མཁས་པ་ཤེས་རབ་ཅན་ཡིན་པས།འགྲོ་བ་ལ་ཡང་བཟོད་ཅིང་།འོང་བ་ལ་ཡང་བཟོད་པ་ཡིན་ན།ཅིའི་ཕྱིར་ཁྲོས་ཏེ་འོང་དུ་མི་བཏུབ།ཁྱོད་དང་ལྷན་ཅིག
106a7 བཟའ་བ་དང་བཏུང་བ་བཏང་དགོས་ཀྱིས།མྱུར་དུ་ཤོག་ཤིག་ཅེས་ཕོ་ཉ་འགུགསུ་བཏང་ངོ་།།དེ་ནས་ཕོ་ཉ་ཡི་གེ་ཐོགས་ཏེ།རྒྱལ་བུ་གང་ན་བ་དེར་སོང་ནས་ཕྱིན་པ་དང
iiif viewer powered by OpenSeadragon
