| e-texts navigator |
| Wylie |
102b1 ཚོར་བར་གྱུར་ཏེ།རྒྱལ་བུའི་བསམ་པ་མྱུར་དུ་རྫོགས་པར་འདོད་པས།ཡིད་བཞིན་དུ་སྦྱིན་པ་ལ་རྗེ་སུ་ཡི་རང་བར་གྱུར་ཏེ།དེ་ནས་ལྷའི་དབང་པོ་བརྒྱ་བྱིན་རྒྱལ་བུས་སྦྱིན་པ་བྱིན་པ།ཅི་ལྟར
102b2 སེམས་པ་བསམ་པའི་ཕྱིར།བྲམ་ཟེ་ཞིག་ཏུ་སྤྲུལ་ཏེ།བྲམ་ཟེ་དེ་ཡང་མི་སྡུག་པ་རྣམ་པ་བཅུ་གཉིས་དང་ལྡན་ཏེ།རྒྱལ་བུ་ག་ལ་བ་དེར་སོང་ནས།འདི་སྐད་ཅེས་སྨྲས།།རྒྱལ་བུ་ཁྱོད་སྦྱིན།
102b3 པ་ལ་དགའ་བས།ཕ་རོལ་པོའི་ཡིད་དང་འགྲོལ་བར་མི་བྱེད་ཅེས་གྲག་སྟེ།བདག་ཀྱང་ཚོད་དུ་འདིར་སློང་དུ་འོངས་ཀྱིས།ཁྱོད་ལ་བཙུན་མོ་ཡོད་པ་དེ་བདག་ལ་བྱིན་ཅིག།རྒྱལ་བུས
102b4 སྨྲས་པ།ཤིན་ཏུ་ལེགས་ཏེ།དེ་བཞིན་དུ་སྦྱིན་ནོ་ཞེས་སྨྲས།།བཙུན་མོས་སྨྲས་པ།བདག་ཀྱང་ཕ་རོལ་པོ་ལ་བྱིན་ན།རྒྱལ་བུའི་གཡོག་སུས་བྱ།རྒྱལ་བུས་སྨྲས་པ།ད་ཁྱོད
102b5 ཀྱང་སྦྱིན་པ་མ་བྱས་ན།ཅི་ལྟར་ཡང་བླ་ན་མེད་པ་མཉམ་སྙོམས་པའི་བྱང་ཆུབ་ཐོབ་པར་འགྱུར།དེ་ནས་རྒྱལ་བུས་ཆུ་སྣོད་ཐོགས་ཏེ།བྲམ་ཟེའི་ལག་པ་བཀྲུ་བའི་ཕྱིར།ལག་པར་ཆུ
102b6 བླུགས་ནས།བཙུན་མོ་ཡང་བྲམ་ཟེ་ལ་ཕུལོ།།དེ་ལྟར་རྒྱལ་བུ་ལ་འགྱོད་པའི་སེམས་ཅུང་ཟད་ཀྱང་མེད་པར་བརྒྱ་བྱིན་གྱིས་རྟོགས་ནས།ལྷ་རྣམས་ཀྱིས་བསྟོད་ཅིང་བསྔགས་ཏེ།གནམས
102b7 ཡང་ཆེར་གཡོསོ།།དེ་ནས་བྲམ་ཟེས་བཙུན་མོ་ཁྲིད་དེ།གོམ་པ་བདུན་ཙམ་དུ་ཕྱིན་པ་དང་།ཕྱིར་ལོག་ནས་བཙུན་མོ་འདི་རྒྱལ་བུ་ལ་ཕྱིར་གདམས་ཀྱིས་སུ་ལེ་ཡང་མ་བྱིན་ཅིག
iiif viewer powered by OpenSeadragon
