| e-texts navigator |
| Wylie |
474a1 འདུས་པའི་གང་ཟག་ནི་དབུལ་པོ་ལ་སེར་སྣ་བྱེད་པའོ།།གང་ཟག་ཚེ་ཟད་ལ་ལས་མ་ཟད་པ་གང་ཞེ་ན།གང་ཟག་སུའང་རུང་།སེམས་ཅན་དམྱལ་བར་ཤི་ནས་ཡང་སེམས
474a2 ཅན་དམྱལ་བར་སྐྱེ་བ།བྱོལ་སོང་ལས་ཤི་ནས་ཡང་བྱོལ་སོང་དུ་སྐྱེ་ག་རིང་དུ་འཁྱམས་པ་ལས་ཤི་ན་ཡང་རིང་དུ་འཁྱམས་པར་སྐྱེ་བ། སུ་ར་ལས་ཤི་ནས་ཡང་ཨ་སུ་རར་སྐྱེ་བ།མི་ལས
474a3 ཤི་ནས་ཡང་མིར་སྐྱེ་བ་དེ་ལྟ་བུའི་གང་ཟག་ནི་ཚེ་ཟད་ལ་ལས་མ་ཟད་པ་ཡིན་ནོ།།གང་ཟག་ལས་ཟད་ལ་ཚེ་མ་ཟད་པ་གང་ཞེ་ན།གང་ཟག་སུའང་རུང་སྟེ།སྔོན་སྐྱིད་ལ་ཕྱིས་སྡུག་པར་གྱུར་པ།
474a4 སྔ་ནས་སྡུག་ལ་ཕྱི་ནས་སྐྱིད་པར་གྱུར་པ་དེ་ལྟ་བུའི་གང་ཟག་ནི་ལས་ཟད་ལ་ཚེ་མ་ཟད་པ་ཡི་ནོ།།གང་ཟག་ལས་དང་ཚེ་གཉིས་ཀ་ཟད་པ་གང་ཞེ་ན།གང་ཟག་སུའང་རུང་སྟེ།སེམས་ཅན་དམྱལ
474a5 བ་ལས་ཤི་ནས་བྱོལ་སོང་དུ་སྐྱེས་པ།བྱོལ་སོང་ལས་ཤི་ནས་རིང་དུ་འཁྱམས་པར་སྐྱེས་པ།རིང་དུ་འཁྱམས་པ་ལས་ཤི་ནས་ཨ་སུ་རར་སྐྱེས་པ། སུ་ར་ལས་ཤི་ནས་མིར་སྐྱེས་པ།མི་ལས
474a6 ཤི་ནས་ལྷར་སྐྱེས་པ།དེ་ལྟ་བུའི་གང་ཟག་ནི་ལས་དང་ཚེ་གཉིས་ཀ་ཟད་པ་ཡི་ནོ།།གང་ཟག་ལས་གང་གིས་ན་ཚེའང་མ་ཟད་ལས་ཀྱང་མ་ཟད་ལ་མྱ་ངན་སྤངས་པ་གང་ཞེ་ན།རྒྱུན་དུ་ཞུགས་པ
474a7 དང་།ལན་ཅིག་ཕྱིར་འོང་བ་དང་།ཕྱིར་མི་འོང་བ་དང་།ངགྲ་བཅོམ་པ་གང་ཟག་དེ་རྣམས་ལས་དང་ཚེ་མ་ཟད་མོད་ཀྱི་མྱ་ངན་སྤངས་པའོ།།གང་ཟག་ལུས་བདེ་ལ་སེམས་མི་བདེ་བ་གང་ཞེ་ན།
iiif viewer powered by OpenSeadragon
