| e-texts navigator |
| Wylie |
473a1 ཡིན་ཞེ་ན།གང་ཟག་སུའང་རུང་སྟེ་སྦྱིན་པ་བྱིན་པའང་མང་པོ་དང་རངས་པར་བྱིན།བདག་ཀྱང་ཡི་དགའ་སྟེ་བྱིན་པས་ཕྱིས་མི་འགྱོད་པའི་གང་ཟག་དེའི
473a2 འབྲས་བུ་ནི་མིར་སྐྱེས་ནའང་ཕྱུག་པའི་རིགསུ་སྐྱེས་ཏེ།ནོར་མོང་པོ་སྤྱོད་པ་དང་།མང་པོའི་ཇོ་བོར་གྱུར་ནས་བློན་པོ་དང་།གྲོགས་པོ་དང་།གཉེན་དང་རིགས་གཅིག་པ་མང་དུ་བདོག་པ
473a3 དང་།བང་མཛོད་ཐམས་ཅད་ཀྱང་གང་བ།ཤིན་ཏུ་བདེ་ཞིང་བཞོན་པོ་མང་པོ་དང་།དེ་ལྟ་བུའི་རིགསུ་སྐྱེ་སྟེ།སྐྱིད་པ་དེ་ལྟ་བུ་ཕྱིར་སྐྱེ་ཞིང་འཕེལ་བར་འགྱུར་ཏེ།གང་ཟག་ལས་འདི་ལྟ
473a4 བུ་འདུས་པས་སྔར་ཡང་བདེ།ཕྱིས་ཀྱང་བདེ་བར་འགྱུར་རོ།།ཇི་ལྟར་གང་ཟག་ལས་འདི་ལྟ་བུ་འདུས་པ་སྔར་མི་བདེ་ལ་ཕྱིས་ཀྱང་མི་བདེ་བར་འགྱུར་བའི་ལས་ཀྱིས་འབྲས་བུ་ནི་གང་ཡིན་ཞེ
473a5 ན།གང་ཟག་སུའང་རུང་སྟེ།དགེ་བའི་གྲོགས་པོ་སྤངས་པ་ཡིན།སུས་ཀྱང་སྦྱིན་པ་ལ་མ་བཅུག་པ་ཡིན།བདག་ཉིད་ཀྱིས་ཀྱང་གཞན་ལ་སྦྱིན་པ་མ་བྱས་པ་ཡིན་པའི་གང་ཟག་དེ
473a6 ལྟ་བུ་ནི་མིར་སྐྱེས་ནའང་དབུལ་པོ་བཀྲེས་པ་དང་།ཟས་སྐོམ་གྱིས་ཕོངས་པ།གོས་རྒྱར་གྱི་ཕོངས་ཤིང་བྲེལ་ཏེ།ཉོན་མོངས་བཞིན་དུ་འཚེ་བ་དང་།ཟས་སྐོམ་དང་།གོས་རྒྱབ་ཀྱིས་མི
473a7 འཚེ་བ་དང་།ཕྱིས་ཀྱང་དེ་ལས་སྐྱིད་ཅིང་སྤྱོད་པ་འཕེལ་བར་འགྱུར་བའང་མེད་དེ།གང་ཟག་ལས་དེ་ལྟ་བུ་འདུས་པས་ན་སྔར་ཡང་མི་བདེ།ཕྱིས་ཀྱང་བདེ་བར་མི་འགྱུར་རོ།།ཇི་ལྟར
iiif viewer powered by OpenSeadragon
