| e-texts navigator |
| Wylie |
472b1 བཞི་ནོ།།ཇི་ལྟར་གང་ཟག་ལས་འདི་ལྟ་བུ་འདུས་པས་ན་སྔར་བདེ་ལ་ཕྱིས་མི་བདེ་བའི་ལས་གང་ཡིན་ཞེ་ན།གང་ཟག་སུའང་རུང་སྟེ་སྦྱིན་པ་བྱིན་ཡང་ཡི་རངས་བཞིན་དུ་མི་བྱིན་དགའ་ཞིང་བདེ་བ་ཡིད
472b2 དུ་མ་བྱས།བྱིན་ནས་བྱིས་འགྱོད་པར་སེམས་པ།གང་ཟག་དེ་ལྟ་བུ་མིར་སྐྱེ་ནའང་ཕྱུག་པོའི་རིགསུ་སྐྱེ་སྟེ་ནོར་མང་པོ་དང་།སྤྱོད་པ་མང་པོའི་ཇོ་བོར་འགྱུར་ཏེ།བློན་པོ་དང་གྲགས་པོ་དང་།གཉེན
472b3 དང་།རིགས་གཅིག་པོ་མང་དུ་བདོག་པ་དང་།མཛོད་དང་བདྲ་བ་གང་བ་ཀུན་ཀྱང་གང་གི་ཤིན་ཏུ་བདེ་ཞིང་བཞོན་པ་མང་པོ་དང་ལྡན་པ་དེ་ལྟ་བུ་ནི་སྐྱིད་པ་ཀུན་སྤྱོད་དེ་ཕྱིས་དམས་པ་དང་།ཟད་པར
472b4 འགྱུར་ཏེ་མི་བདེ་བར་སོང་བ་ལས་འདི་ལྟ་བུ་འདུས་པའི་གང་ཟག་ནི་སྔར་བཙན་ཕྱུག་ཅིང་བདེའང་ཕྱིས་བཀྲེས་ཤིང་དམས་པས་མི་བདེ་བར་འགྱུརརོ།།ཇི་ལྟར་གང་ཟག་ལས་འདུས་པས
472b5 སྔར་མི་བདེ་བ་ལ་ཕྱིས་བདེ་བར་འགྱུར་བའི་ལས་ཀྱི་འབྲས་བུ་ནི་གང་ཡིན་ཞེ་ན།གང་ཟག་སུའང་རུང་སྟེ།སྦྱིན་པ་སྔར་མ་དད་པར་བྱིན་ནས་དད་ཅིང་རངས་པ་སེམས་ཡིད་ལ་སྐྱེས་པའི་གང
472b6 ཟག་དེ་ནི་མིར་སྐྱེས་ནའང་དབུལ་པོའི་རིགསུ་སྐྱེ་སྟེ།ཟས་དང་སྤྱོད་པ་ཉུང་བ།ཉོན་མོངས་ཤིང་ཟས་དང་གིས་མེད་པ་ལས་ཕྱིས་བཙོན་ཕྱུག་ཅིང་སྐྱིད་པར་གྱུར་ཏེ།ཅིའང་འཕེལ་ཏེ།ཅིས
472b7 ཀྱང་མི་བྲེལ་བ.རོ་འགྱུར་བ་འདི་ལྟ་བུའི་གང་ཟག་ནི་སྔར་མི་བདེ་ལ་ཕྱིས་བདེ་བར་གྱུར་པའོ།།ཇི་ལྟར་གང་ཟག་ལས་འོདདི་ལྟ་བུར་གྱུར་པས་སྔར་ཀྱང་བདེ་བར་འགྱུར་བའི་ལས་གང
iiif viewer powered by OpenSeadragon
