| e-texts navigator |
| Wylie |
471b1 བ་ནི་འདི་ལྟ་སྟེ།དཔེར་ན་ཚོང་པ་བཞིན་ཏེ།ལས་དེ་ལྟ་བུས་ཡུལ་གཞན་དུ་སོང་ནས་རྣམ་པར་སྨིན་པར་འགྱུར་རོ།།ཇི་ལྟར་ལས་ཀྱིས་མ་བསམས་པར་བྱས་པ་གང་ཞེ་ན།ལས་བྱས་ནས་འགྱོད་པ
471b2 དང་།ཁྲེལ་གྱིས་དོགས་པ་དང་།ཉེས་པར་སེམས་པ་དང་།མི་རིག་པ་དང་།འཆགས་པ་དང་།ཡལ་བར་མི་གཏོང་བ་དང་།སླར་མི་འཇུག་པ་དང་།ཕྱིན་ཅད་མི་བྱེད་པར་དམ་འཆའ་བ་དང་།
471b3 འདི་ལྟ་བུའི་ལས་ནི་མ་བསམས་པར་བྱས་པའོ།།ཇི་ལྟར་ལས་བསམས་ལ་མ་བྱས་པ་གང་ཞེ་ན།ལུས་ཀྱིས་མ་བྱས་པ་དང་།སེམས་རྒྱུས་ཤིང་ལས་འདི་བྱའོ་ཞེས་ཁར་སྨྲས་ལ་མ་བྱས་པ་དེ
471b4 ལྟ་བུའི་ལས་ནི་བསམས་ཏེ་མ་བྱས་པའོ།།ཇི་ལྟར་ལས་བསམས་ཏེ་བྱས་པ་གང་ཞེ་ན།ལས་གང་བྱས་ཀྱང་རུང་སྟེ་མི་འགྱོད་པ་ཁྲེལ་གྱིས་མི་དོགས་པ་ཉེས་པར་མི་སེམས་པ་མི་འཆ
471b5 པ།ཡལ་བར་གཏོང་བ།སླར་འཇུག་པར་ཕྱིན་ཅད་མི་བྱེད་པར་དམ་མི་འཆའ་བའོ།།ཇི་ལྟར་གང་ཟག་ལས་འདི་ལྟ་བུ་འདུས་པས་ནི་སེམས་ཅན་ལས་དམྱལ་བར་སྐྱེས་ཏེ།སེམས་ཅན
471b6 དམྱལ་བའི་ཚེ་ཀུན་རྫོགས་ནས་སྐྱེ་བའི་ལོམ་ཡིན་ཞེ་ན།གང་ཟག་སུའང་རུང་སྟེ།སེམས་ཅན་དམྱལ་བའི་ལས་བསམས་ཏེ་བྱས་ནས།དེས་ཀྱང་མི་འགྱོད་པ་ཁྲེལ་གྱིས་མི་དོགས་པ་དང་།
471b7 ཉེས་པར་མི་སེམས་པ་མི་རིགས་པར་མི་སེམས་པ།མི་འཆགས་པ།ཡལ་བར་གཏོང་བ།སླང་དོན་དུ་འཇུག་པ།ཕྱིན་ཅད་བྱེད་པར་དམ་མཚའ་བ།དེ་ལྟ་བུའི་སེམས་དགའ་བ་དེ་ལྟ་བུ
iiif viewer powered by OpenSeadragon
