| e-texts navigator |
| Wylie |
466b1 ལུས་རྩུབ་པ་དང་།མི་སྡུག་པར་སྣང་བ་དང་།མཐོང་ན་ཡིད་དུ་མི་འོང་བའི་ལས་ཀྱང་ཡོད་དེ།མ་ན་བ་ཡང་འདི་ལྟ་སྟེ།མི་དགེ་བ་བཅུའི་ལས་ཀྱི་ལམ་བྱས་པའི་རྒྱུས་ཕྱི་རོལ་གྱི་ཡུལ་སའི་དོན
466b2 ངན་དུ་འགྱུར་བའང་ཡོད།།དེ་ལ་ཇི་ལྟར་ལས་ཀྱི་ཚེ་ཐུང་བར་འགྱུར་ཞེ་ན།ཆོས་བཅུས་ན་ཚེ་ཐུང་བར་འགྱུར་ཏེ།བཅུ་གང་ཞེ་ན།སྲོག་གཅོད་པ།སྲོག་ག་ཅད་དུ་བཅོད་པ།སྲོག་གཅོད་པ
466b3 ལ་སྟོད་པ།སྲོག་གཅོད་པ་ལ་སྨོན་པ།མངལ་གནས་མེད་པར་བྱེད་པ།མངལ་གནས་མེད་པར་བྱེད་དུ་བཅུག་པ།དགྲ་བོ་ལ་བསད་པར་སེམས་པ།མི་མཛའ་བ་ཤི་ན་དགའ་བ།རྟེན་བཅས
466b4 ཤིང་སེམས་ཅན་བསད་པ།ཐབ་མོ་ལ་ལྟ་ཞིང་དད་པ་དང་བཅུ་སྟེ།ཆོས་འདི་བཅུས་ན་ཚེ་ཐུང་ཞིང་ནད་མང་བར་འགྱུར་རོ།།ཇི་ལྟར་ལས་བཟང་པོ་བྱས་པས་ཚེ་རིང་པོར་འགྱུར་ཞེ་ན།ཆོས་རྣམ།
466b5 པ་བཅུས་ན་ཚེ་རིང་པོར་འགྱུར་ཏེ།བཅུ་གང་ཞེ་ན།སྲོག་གཅད་པ་སྤངས་པ།སོག་གཅོད་པ་སྤོང་བར་བྱེད་པ།སྲོག་གཅོད་པ་སྤངས་པ་ལ་སྟོད་པ།སྲོག་གཅོད་པ་སྤངས་པ་ལ་སྨོན་པ།
466b6 བསད་པར་ཆད་པའི་སེཾན་རྣམས་གཏོང་བ།གསོད་པར་ཆད་པའི་མི་རྣམས་གྲེ་ཏོང་ག་འཇིགས་ཤིང་སྐྲག་པའི་སེམས་ཅན་རྣམས་སྐྱ་བྱས་བྱས་པ།མགོན་མེད་པའི་སེམས་ཅན་རྣམས་ལ།
466b7 སྙིང་རྗེ་བར་སེམས་པ།ན་བའི་སེམས་ཅན་རྣམས་ལ་བྱམས་པས་སྡུད་པ།བྲེལ་ཞིང་ཕོངས་པོའི་སེམས་ཅན་རྣམས་ལ་གོས་དང་ཟས་སྐོམ་སྦྱིན་པ་དང་ཆོས་བཅུས་ན་ཚེ་རིང་ཞིང་ནད་མེད་པ།།།
iiif viewer powered by OpenSeadragon
