| e-texts navigator |
| Wylie |
436a1 བ་དང་ཕ་མའི་སེམས་དང་ལུས་མི་བདེ་བར་བྱས་པ་དང་རབ་ཏུ་བྱུང་བ་ཚུལ་ཁྲིམས་དང་ལྡན་པ་དག་གི་སེམས་མི་བདེ་བར་བྱས་པ་དང་།མི་མཛའ་བ་ནད་ཀྱིས
436a2 བཏབ་པ་ལ་དགའ་བར་སེམས་པ་དང་མི་མཛའ་བ་ནད་སོས་ན་མི་དགའ་བར་སེམས་པ་དང་ནད་པ་ལ་སྨན་མ་ཡིན་པ་བྱིན་པ་དང་ཟས་མ་ཞུ་བར་བསྟབས་པ་དེ་ལས་དེ་ལྟ་བུ་ནི་ནད་མང་བར
436a3 འགྱུར་རོ།།དེ་ལ་ནད་ཉུང་བར་འགྱུར་བའི་ལས་ཡོད་དེ་གང་ཞེ་ན།དེ་ནི་ཐལ་མོ་དང་ཁུ་ཚུར་གྱིས་རྡེག་པ་སྤངས་པ་དང་།ཐལ་མོ་དང་།ཁུ་ཚུར་གྱིས་རྡེག་པ་སྤོང་བར་སྐུལ་བ་དང་དེའི་སྟོན
436a4 རྗོད་པ་དང་དེ་ལ་རྗེ་སུ་དགའ་བ་དང་ཕ་མ་ན་བའི་རིམ་གྲོ་བྱེད་པ་དང་ཁྱིམ་པ་དང་རབ་ཏུ་བྱུང་བ་དང་རྒན་ནམ་གཞོན་ཡང་རུང་སྟེ།ན་ནཱ་རིམ་གྲོ་བྱེད་པ་དང་མི་མཛའ་བ་ནའང་མི་དགའ་བར
436a5 སེམས་པ་དང་དེའི་ནད་སོས་ན་དགའ་བར་སེམས་པ་དང་སྨན་གྱི་སྦྱིན་པ་བྱེད་པ་དང་ཁ་ཟས་ཞུ་ནས་སྟོབས་པ་སྟེ།ལས་དེ་ལྟ་བུ་ནི་ནད་ཉུང་བར་འགྱུརརོ།།དེ་ལ་ཁ་དོག་མི་སྡུག་པར
436a6 འགྱུར་བའི་ལས་ཡོད་དེ།དེ་གང་ཞེ་ན།དེ་ནི་ཁྲོ་བ་དང་འཁོན་དུ་འཛིན་པ་དང་འཆབ་པ་དང་འཚིག་པ་དང་ཕ་མ་ལ་ངན་དུ་བརྗོད་པ་དང་ཁྱིམ་པ་དང་རབ་ཏུ་བྱུང་བ་རྒན་གཞན་ལ་ངན
436a7 དུ་བརྗོད་པ་དང་།མཆོད་རྟེན་དང་གཙུག་ལག་ཁང་དང་མཆོད་རྟེན་གྱི་ས་གཞི་མི་སྡུག་པར་བྱས་པ་དང་མཆོད་རྟེན་དང་སྐུ་གཟུགས་ཀྱི་མར་མེ་བསད་པ་དང་།སེམས་ཅན་ཁ་དོག
iiif viewer powered by OpenSeadragon
