| e-texts navigator |
| Wylie |
429b1 ཡོངས་སུ་སྤོང་བྱ་དང་།དབང་པོ་ལྔ་སྒོམ་པ་དང་།སྟོབས་ལྔ་དང་ལྡན་པར་བྱ་བ་དང་།སྒྲིབ་པ་ལྔ་པོ་དག་བསལ་བ་དང་།ཕུང་པོ་ལྔ་པོ་དག་རྣམ་པར་གཤིག་པ་དང་།ཆ་ལྔ
429b2 དང་ལྡན་པའི་ཆོས་ཀྱི་སྐུ་ཐོབ་པར་བྱ་བའི་ཕྱིར་རྣམ་པ་ལྔར་བཞག་པ་ཡིན་ནོ།།སི་ལི་སྒྲིལ་བཅུ་གཉིས་སུ་བསྟན་པ་ནི་རྟེན་ཅིང་འབྲེལ་པར་འགྱུར་པ་ཡན་ལག་བཅུ་གཉིས་སུ
429b3 དྲན་པར་བྱ་ཞིང་ཐོགས་པ་མེད་པར་བྱ་བ་དང་།སྒོ་བཅུ་གཉིས་པའི་བསམ་གཏན་བསྒོམ་པར་བྱ་བ་དང་།སེམས་ལ་སྐྱོན་མེད་པར་རྗེས་སུ་དྲན་པར་བྱའོ།།རིམ་པ
429b4 གསུམ་དང་བཞི་སྒྲིལ་དུ་བསྡུས་ཏེ།གྲངས་བདུན་དུ་བསྟན་པ་ནི་དེ་བཞིན་གཤེགས་པའི་བྱང་ཆུབ་ཀྱི་ཡན་ལག་བདུན་གྱི་ཆོས་རྗེས་སུ་དྲན་པར་བྱ་བ་དང་།འཕགས
429b5 པའི་ནོར་བདུན་མངོན་པར་བསྒྲུབ་པར་བྱའོ།།མར་རྩེ་གཏོགས་པར་བརྒྱད་དུ་བསྟན་པ་ནི་ལམ་ཡན་ལག་བརྒྱད་པ་རྗེས་སུ་བསྟན་པར་བྱ་བ་དང་།རྣམ་པར་ཐར་པ་བརྒྱད
429b6 ཐོབ་པར་བྱ་བ་དང་།མི་ཁོམ་པ་བརྒྱད་ཡོངས་སུ་བསལ་བའི་ཕྱིར་རྣམ་པ་བརྒྱད་བསྟན་པ་ཡིན་ནོ།།འཁོར་གསིལ་གྱི་དོན་མདོར་བསྟན་པ་དེ་ལྟ་བུ་ཡིན་པས
429b7 ཁྱེད་ཀྱིས་ལེགས་པར་ཡོངས་སུ་གཟུང་བར་བྱའོ།།བཅོམ་ལྡན་འདས་ལ་འོད་སྲུང་གིས་གསོལ་བ།བཅོམ་ལྡན་འདས་འཕགས་པའི་གསུང་རབ་ལ་ཇི་སྐད་བསྟན་པ་བཞིན
iiif viewer powered by OpenSeadragon
