| e-texts navigator |
| Wylie |
409a1 བྲམ་ཟེ་མྱ་ངན་འདས་པ་དང་།དགྲ་དང་འཇིགས་པ་ཀུན་འདས་ཤིང་།།འཇིག་རྟེན་ཆགས་མེད་རྦ་ལྟ་བ་ནི།།མང་པོ་ཡོད་ཕྱུར་མ་མཐོང་ས
409a2 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ལྷ་དེ་ཡི་རངས་ཏེ།བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།།ལྷའི་མདོ་ཉུང་ངུ་རྫོགས་སོ།།།
409a3 ཞུས་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།།།།6།།རྒྱ་གར་སྐད་དུ།ཙནྡྲ་སཱུ་ཏྲ།བོད་སྐད་དུ།ཟླ་བའི་མདོ།དཀོན་མཆོག་གསུམ་ལ
409a4 ཕྱག་འཚལ་ལོ།།འདི་སྐད་བདག་གིས་ཐོས་པ་དུས་གཅིག་ན།བཅོམ་ལྡན་འདས་ཡུལ་ཙམ་པ་ནྡན་ན་འགྲོ་བ་པོའི་རྫིང་བུའི་འགྲམ་ན་བཞུགས་ཏེ།དེའི་ཚེ་ལྷ་མ་ཡིན་གྱི
409a5 དབང་པོ་སྒྲ་གཅན་གྱི་ཟླ་བའི་དཀྱིལ་འཁོར་ཐམས་ཅད་འོད་ཀྱིས་བཀབ་པར་གྱུར་ཏོ།།དེ་ནས་ཟླ་བའི་དཀྱིལ་འཁོར་ན་གནས་པའི་ལྷ་གང་ཡིན་པ་དེ་སྐྲག་ཅིང་དངངས་ལ་མི
409a6 དགའ་བར་གྱུར་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས།བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འདུག་གོ།།ཕྱོགས་གཅིག
409a7 ཏུ་འདུག་ནས་ལྷ་དེས་དེའི་ཚེ་ཚིགསུ་བཅད་དེ་གསོལ་པ།ཀུན་ལས་རྣམ་པར་རབ་གྲོལ་བའི།།སངས་རྒྱས་དཔའ་བོ་ཁྱོད་ཕྱག་འཚལ།།གནོད་པ་དག་དང་ཕྲད་གྱུར་ལ།།བདག་གི་སྐྱབས
iiif viewer powered by OpenSeadragon
