| e-texts navigator |
| Wylie |
325b1 མ་བསྟོད་མཛའ་བར་མི་བྱེད་ཅིང་།།མོད་ལ་ཡོངས་སུ་སྤོང་བྱེད་པ།།དེ་ནི་བྱིས་པའི་མཚན་ཉིད་ཡིན།།གལ་ཏེ་འདི་ན་བྱིས་པ་དག།སྒྲོ་གཤོག་བཏོགས
325b2 པའི་བྱ་ལྟ་བུར།།བློ་སྤངས་ཤེས་རབ་མ་འཚལ་ན།།མཁས་པ་ཇི་ལྟར་འཚོ་བར་འགྱུར།།གང་ཕྱིར་བྱིས་པ་ཕལ་ཆེ་རི་ནོ།།བློ་གྲོས་སྤངས་ཤིང་ཤེས་འཚལ
325b3 བ།།དེ་ཕྱིར་མཁས་པ་ཤེས་རབ་ཅན།།ཁྱད་པར་དུ་ནི་བདེ་བར་འཚོ།།མཁས་པ་ནོར་རྙེད་དགའ་བོ་རི་མོ་འགྱུར་ལ།།ཕོངས་པར་གྱུར་ཀྱང་མི་འདྲུལ་འཁྲུག
325b4 པ་མེད།།དེས་སུ་བཟུང་ཕྱིར་ཕན་པ་དེ་སྨྲ་ན།།ལེགས་སྨྲ་ཡིན་ཞེས་གཞན་གྱིས་ཅིས་མི་རྟོགས།།མཁས་པ་གཟུ་ལུམས་མེད་པར་གྱུར་པ་དེ།།དེ་ཉིད་དཔྱད
325b5 པ་ལེགས་པར་མཉན་ནས་སུ།།དེ་ལྟར་རྣམ་པར་བསམས་ནས་རང་དོན་དང་།།གཞན་གྱི་དོན་དག་ལེགས་པར་སྤྱོད་པར་བྱེད།།མཁས་པ་རྣམས་ནི་འཚོ་བའི་རྒྱུ་ཙམ
325b6 གྱིས།།སྡིག་པའི་ལས་རྣམས་ཀུན་ཏུ་སྤྱོད་མི་འགྱུར།།གལ་ཏེ་བདེ་དང་སྡུག་བསྔལ་ལྡན་གྱུར་ཀྱང་།།རྟག་ཏུ་ཆོས་དོན་ཡོངས་སུ་གཏོང་བ་མེད།།བློ་ལྡན
325b7 གཡོ་སྒྱུ་ཅན་དུ་མི་འགྱུར་ཏེ།།རྨོངས་པར་མི་འགྱུར་ཚིག་རྩུབ་ཁྲོ་མི་འགྱུར།།ཕོངས་པའི་གནས་ན་མྱ་ངན་མི་བྱེད་པ།།གཞན་གྱིས་གནས་ལ་འབེབས་པར་བྱེད
iiif viewer powered by OpenSeadragon
