| e-texts navigator |
| Wylie |
231b1 གཟུགས་དངོས་པོ་ཅན་གཅིག་ལ་གཅིག་སྣང་གི།སེམས་གཅིག་གིས་གཅིག་མཐོང་བ་ནི་མ་ཡིན་ཏེ།གཟུགས་ཀྱི་ཕུང་སོ་འདིར་ཞིག་སྟེ་མེད་ན།ཕ་རོལ་ན་སེམས
231b2 གཅིག་ལ་གཅིག་ཇི་ལྟར་སྣང་སྟེ་འཕྲོགས།ཚེ་འཕོས་པའི་ཕ་དང་།མེས་པ་དང་།ཡང་མེས་ལ་སོགས་པ་ད་ལྟར་ཚེ་མ་འཕོས་པའི་བུ་ཚ་གཟུགས་ཡོད་པས་ཀྱང་མི་མཐོང
231b3 ན་ཕ་རོལ་ཏུ་ཚེ་འཕོས་པའི་ལུས་མེད་པས་པ་དང་།མེས་པོ་དང་།ཡང་མེས་ལ་སོགས་པ་གཟུགས་མེད་པ་ཇི་ལྟར་མཐོང་ནས་འགྲོགས།ཀྱེ་རྒྱལ་པོ་ཆེན་པོ་གཞན་ཡང
231b4 འདི་ན་ཕ་དང་།བུ་དང་།སྤུན་མང་པོ་འགྲོགས་པའི་དུས་ནའང་གཟུགས་སོ་སོར་སྣང་བ་ལས་མ་གཏོགས་པ་རང་གི་སེམས་ཀྱང་རང་གིས་མི་མཐོང་ན་སྤང་དང་སྤུན་གྱི་སེམས་གཅིག
231b5 གིས་གཅིག་ལྟ་ག་ལ་མཐོང་ན།ཚེ་འཕོས་ནས་ཇི་ལྟར་མཐོང་སྟེ།ཕ་རོལ་ན་སྤང་དང་།སྤུན་དང་།མེས་པོ་དང་།ཡང་མེས་ལ་སོགས་པ་ཇི་ལྟར་སྣང་ནས་འགྲོགས
231b6 ཀྱེ་རྒྱལ་པོ་ཆེན་པོ་ཐོག་མ་མེད་པའི་དུས་ན་དེ་བས་སྔ་བ་མེད་པའི་མེས་པོ་དང་།དེ་ལྟའི་བུ་ཚ་རྣམས་ཕ་རོལ་ན་འགྲོགས་ན་ད་ལྟ་མིའི་རུས་དང་།རིགས་དང་།ཕྱོགས་དང
231b7 རིས་མི་གཅིག་པ་ཐ་དད་པ་མང་པོ་ཇི་སྙེད་པ་རྣམས་སོ་སོར་དགྲར་གྱུར་པ་རྣམས་དང་།གནས་གང་ན་འདུག་པ་དང་།རུས་རིགས་གཅིག་པ་དང་།སྐད་དང་ཆ་ལུགས
iiif viewer powered by OpenSeadragon
