| e-texts navigator |
| Wylie |
456b1 ཆེན་པོའི་འཇིག་རྟེན་གྱི་ཁམས་འདི་ལན་གསུམ་དུ་འགུལ།ཀུན་ཏུ་འགུལ།ཀུན་ཏུ་རབ་ཏུ་འགུལ།གཡོས།ཀུན་ཏུ་གཡོས།ཀུན་ཏུ་རབ་ཏུ་གཡོས།ལྡེག།ཀུན་ཏུ་སྡིག
456b2 ཀུན་ཏུ་རབ་ཏུ་ལྡེག།འཁྲུགས།ཀུན་ཏུ་འཁྲུགས།ཀུན་ཏུ་རབ་ཏུ་འཁྲུགས་པར་གྱུར་ཏོ།།དེ་ནས་འཁོར་གྱི་བདག་པོ་ཚངས་པ་དང་།ལྷ་རྣམས་ཀྱི་དབང་པོ་བརྒྱ་བྱིན་རང་གི་རེས་ན
456b3 གནས་པ་གཉིས་འདི་སྙམ་དུ་སེམས་ཏེ།སངས་རྒྱས་བཅོམ་ལྡན་འདས་འདི་ནི་ཀུ་ཤའི་གྲོང་ཁྱེར་དང་ཉེ་བ་ན་བཞུགས་ཏེ།ཀུ་ཤིའི་གྲོང་ཁྱེར་ནས་སྐྱེས་པའི་གྱད་རྣམས་རྫུ་འཕྲུལ
456b4 ཆེན་པོས་འདུན་པར་མཛད་ནས་རིང་པོ་མི་ཐོགས་པ་དང་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངསུ་ཡོངསུ་མྱ་ངན་ལས་འདའ་བར་འགྱུར་གྱིས།གང་འོ་ན་བདག
456b5 ཅག་དོང་ནས།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཐ་མར་བལྟ་བའི་ཕྱིར་འདོང་ངོ་སྙམ་མོ།།དེ་ནས་འཁོར་གྱི
456b6 བདག་པོ་ཚངས་པ་དང་།ལྷ་རྣམས་ཀྱི་དབང་པོ་བརྒྱ་བྱིན་རང་གི་རིས་ནས་མི་སྣང་བར་གྱུར་ཏེ།འདོད་པ་ན་སྤྱོད་པ་དང་།གཟུགས་ན་སྤྱོད་པའི་ལྷ་རྣམས་དང་ལྷན་ཅིག་བཅོམ
456b7 ལྡན་འདས་ཀྱི་སྤྱན་སྔར་འཁོད་དོ།།འཁོར་གྱི་བདག་པོ་ཚངས་པ་ཕྱོགས་གཅིག་ཏུ་འདུག་པས་དེའི་ཚེ་ཚིག་སུ་བཅད་བདག་གསོལ་པ།རྫོགས་པའི་སངས་རྒྱས་གྲགས
iiif viewer powered by OpenSeadragon
