| e-texts navigator |
| Wylie |
456a1 པར་བྱེད་དོ།།གནས་འཇོག་གི་རྒྱུད་དག་དེ་ཅིའི་ཕྱིར་ཞེ་ན།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
456a2 དག་ནི་སྦྱིན་པས་དཔག་ཏུ་མེད་པ་དག་གི་ཕྱིར་རོ།།ཚུལ་ཁྲིམས་ཀྱིས་དཔག་ཏུ་མེད་པ་དག་དང་།བཟོད་པས་དཔག་ཏུ་མེད་པ་དག་དང་།བརྩོན་འགྲུས་ཀྱིས་དཔག་ཏུ
456a3 མེད་པ་དག་དང་།བསམ་གཏན་གྱིས་དཔག་ཏུ་མེད་པ་དག་དང་།ཤེས་རབ་ཀྱིས་དཔག་ཏུ་མེད་པ་དག་དང་།རྫུ་འཕྲུལ་གྱིས་དཔག་ཏུ་མེད་པ་དག་དང་།རྫུ་འཕྲུལ
456a4 གྱི་ཆོ་འཕྲུལ་གྱིས་དཔག་ཏུ་མེད་པ་དག་དང་།ཀུན་བརྗོད་པས་དཔག་ཏུ་མེད་པ་དག་དང་།ཀུན་བརྗོད་པའི་ཆོ་འཕྲུལ་གྱིས་དཔག་ཏུ་མེད་པ་དག་དང་།རྗེ་སུ་བསྟན་པས
456a5 དཔག་ཏུ་མེད་པ་དག་དང་།རྗེསུ་བསྟན་པའི་ཆོ་འཕྲུལ་གྱིས་དཔག་ཏུ་མེད་པ་དག་དང་།སྟོབས་བཅུ་དང་།མི་འཇིགས་པ་བཞི་དང་།མ་འདྲེས་པའི་དྲན་པ་ཉེ
456a6 བར་བཞག་པ་གསུམ་དང་།ཐུགས་རྗེ་ཆེན་པོ་དཔག་ཏུ་མེད་པའི་ཕྱིར་ཏེ།གནས་འཇོག་གི་རྒྱུད་དག་དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
456a7 པའི་སངས་རྒྱས་རྣམས་ནི་ཡོན་ཏན་དཔག་ཏུ་མེད་པ་དང་ལྡན་པ་དག་གི་ཕྱིརརོ།།སེང་གེའི་སྒྲ་ཆེན་པོ་དང་ལྡན་པའི་ཆོས་ཀྱི་རྣམ་གྲངས་འདི་བཤད་པ་ན་སྟོང་གསུམ་གྱི་སྟོང
iiif viewer powered by OpenSeadragon
