| e-texts navigator |
| Wylie |
452a1 མཁས་པ་ཡིས་ནི་རྣམ་པར་ཤེས་བྱ་སྟེ།།གང་དུ་མི་རྟག་ཉིད་ནི་མི་འོང་བའི།།མི་འཆི་བ་ཡི་གནས་དེ་ཐོབ་པར་བྱ།།བཅོམ་ལྡན་འདས་ལས
452a2 ཀུ་ཤའི་གྲོང་ཁྱེར་ནས་སྐྱེས་པའི་གྱད་རྣམས་ཀྱིས་དེ་སྐད་ཐོས་ནས་རྨོངས་པར་གྱུར་ཏེ།ཇི་ལྟར་ཡང་འདུ་ཤེས་ཐོབ་པ་དག་ཏུ་གྱུར་ནས་ས་ལ་འགྲོ་ལྡོག་སྟེ།འདི་ལྟ་སྟེ།ཤིང
452a3 གི་སྡོང་དུ་མ་བཞིནོ།།ཁ་ཅིག་ནི་དཔུང་པ་དག་བསྣོལ་ཏེ་རབ་ཏུ་ངུ་བར་བྱེད་དོ།།ཁ་ཅིག་ནི་སེམས་ཀྱི་སྡུག་བསྔལ་དང་ཀུན་ཏུ་ལྡན་ཞིང་འཁོད་དོ།།ཁ་ཅིག་ནི་ཆོས་ཉིད་ཁོ
452a4 ན་ལ་རྟོན་པར་བྱེད་དེ།བཅོམ་ལྡན་འདས་ཀྱིས་བདག་ཅག་ལའང་དང་པོ་ཉིད་དུ་འདོད་པ་དང་།སྡུག་པ་དང་།དགའ་བ་དང་།ཡིད་དུ་འོང་བ་ཐམས་ཅད་ལས་དངོས་པོ
452a5 ཐཱ་དད་པ་དང་།མེད་པར་འབྱུང་བ་དང་།འབྲལ་བ་དང་མི་ལྡན་པ་འབྱུང་བར་འགྱུརརོ་ཞེས་གསུངས་སོ་སྙམ་མོ།།དེ་ནས་ཀུ་ཤའི་གྲོང་ཁྱེར་ནས་སྐྱེས་པའི་གྱད་རྣམས
452a6 ཐི་བའི་སྐད་ལྟར་སྙན་ཅིང་འཇེབས་པ་རིང་ཞིང་འཇམ་པའི་དབུགས་ཕྱུང་ནས་མཆི་མ་དག་ཕྱུང་སྟེ།བཅོམ་ལྡན་འདས་ཀྱི་ཞབས་གཉིས་ལོ་མགོ་བོས་ཕྱག་བཙལ་ནས
452a7 ཕྱོགས་གཅིག་ཏུ་འཁོད་དོ།།དེ་ནས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་རྡོ་ཆེན་པོ་ཡེངས་པ་དེའི་ཕྱོགས་གཅིག་ཏུ་བཞུག་སོ།།ཀུ་ཤའི་གྲོང
iiif viewer powered by OpenSeadragon
