| e-texts navigator |
| Wylie |
451b1 གསོལ་ཏོ།།བཙུན་པའོ་ན་ཅི་གང་སྟོབས་དེ་དག་ལས་ཆེས་སྟོབས་དང་ལྡན་ཞིང་།གང་སྟོབས་དེ་དག་ཟིལ་གྱིས་གནོན་པར་བགྱིད་པའི་སྟོབས་གཞན་མཆིས་ལགས་སམ།གནས་འཇོག
451b2 གི་རྒྱུད་དག་གང་སྟོབས་དེ་དག་ལས་ཆོས་སྟོབས་དང་ལྡན་ཞིང་།གང་སྟོབས་དེ་དག་ཟིལ་གྱིས་གནོན་པར་བྱེད་པའི་སྟོབས་གཞན་ཡོད་དེ།འདི་ལྟ་སྟེ།གང་དེ་ཉིད་ཀྱི་མཚན་མོའི་གུང
451b3 ཐུན་ལ་མཚན་གྱིས་རྣམ་པར་བརྒྱན་པ།དཔེ་བྱད་བཟང་པོས་རྣམ་པར་མཛེས་པར་བྱས་པའི་སྐུ་འདི་དང་སྟོབས་དེ་དག་གི་སྣོད་དུ་གྱུར་པའི་སྐུ་སྲོག་འདི་རབ་ཏུ་འཇོམས་པར་འགྱུར་བའི་མི་རྟག་པ
451b4 ཉིད་ཀྱི་སྟོབས་ཞེས་བྱའོ།།གནས་འཇོག་གི་རྒྱུད་དག་འདི་ནི་གང་སྟོབས་དེ་དག་ལས་ཆེས་སྟོབས་དང་ལྡན་ཞིང་།གང་སྟོབས་དེ་དག་ཟིལ་གྱིས་གནོན་པར་བྱེད་པའི་སྟོབས་གཞན
451b5 དེ་ཡིན།།དེ་ནས་བཅོམ་ལྡན་འདས་ཀྱིས་དེའི་ཚེ།ཚིག་སུ་བཅད་པ་དག་བཀའ་སྩལ་པ།ལུས་ལས་བྱུང་བའི་སྟོབས་དང་བསོད་ནམས་སྟོངས།ཡེ་ཤེས་སྟོངས་དང
451b6 རྫུ་འཕྲུལ་སྟོབས་པས་ཀྱང་།།ང་ཡི་གཟི་བརྗིད་འཇོམས་པ་མི་རྟག་ཉིད།།མཆོག་ཏུ་སྟོབས་དང་ལྡན་པར་བཞེད་པ་ཡིན།གང་དུ་དེ་དང་འདྲ་བའི་སྐུ་ལུས་ནི།།གསེར་གྱི
451b7 རི་ཡི་དབང་པོའི་རྩེ་མོ་འདྲ།།མི་རྟག་ཉིད་ཀྱི་གཟི་བརྗིད་ཀྱིས་བཅོམ་པ།།ང་ཡི་འཇིག་པ་འོང་བར་འགྱུར་བ་ཡིན།།མི་རྟག་ཉིད་ཀྱི་སྟོངས་རྣམས་སྟོབས་མཆོག་པར།།།
iiif viewer powered by OpenSeadragon
