| e-texts navigator |
| Wylie |
379b1 སེམས་ཅན་ཤེས་པ་དང་ལྡན་པ་འདི་དག་ནི་ལུས་ཀྱིས་ལེགས་པར་སྤྱོད་པ་དང་ལྡན་པ།ངག་དང་ཡིད་ཀྱིས་ལེགས་པར་སྤྱོད་པ་དང་ལྡན་པ།འཕགས་པ་རྣམས་ལ་སྐུར་དམ
379b2 འདེབས་པ།ཡང་དྲག་པར་ལྟ་བ་དག་སྟེ།ཡང་དག་པར་ལྟ་བའི་ལས་དང་།ཆོས་ཡང་དག་པར་བླངས་པའི་རྒྱུས་ལུས་ཞིག་སྟེ་ཤི་བའི་འོག་ཏུ་རྒྱུ་དེ་དང་།རྐྱེན་དེས
379b3 བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་རྣམས་ཀྱི་ནང་དུ་སྐྱེ་བར་འགྱུརརོ།།ཞེས་སེམས་ཅན་རྣམས་ལས་ཇི་ལྟ་བ་བཞིན་དུ་ཉེ་བར་འགྲོ་བ་དག་ཀྱང་ཡང་དག་པ་ཇི་བ་བཞིན་དུ་རབ་ཏུ
379b4 མཁྱེན་ཏོ།།དགེ་སློང་དག་ངས་དེ་ལྟར་མཁྱེན་ཅིང་དེ་ལྟར་གཟིགས་པས་ན།ང་ནི་གང་ནམ་ཡང་བྱུང་བར་མ་གྱུར་པ་དང་།འབྱུང་བར་མི་འགྱུར་བ་དང་།ད་ལྟར་ཡང་མེད
379b5 པ་མ་ཡིན་ཞིང་།གང་དེ་དང་དེ་དག་ཏུ་དགེ་བ་དང་།སྡིག་པའི་ལས་བྱས་ཤིང་བྱས་པ་དག་གི་རྣམ་པར་སྨིན་པ་སོ་སོར་མྱོང་བར་བྱེད་པ་དང་།གང་ཕུང་པོ་འདི་འདོར་ཞིང་ཕུང
379b6 པོ་གཞན་དང་ཉིང་མཚམས་སྦྱོར་བ་དེ་ཆོས་ཀྱི་བརྡ་མ་གཏིགས་པར་བདག་གམ།སེམས་ཅན་ནམ།སྲོག་གམ།སྐྱེ་བ་འམ།གསོ་བ་འམ།གང་ཟག་གམ།
379b7 ཤེད་ལས་སྐྱེས་སམ།ཤེད་བུ་འམ།བྱེད་པ་པོ་འམ།བྱེད་དུ་འཇུག་པ་པོ་འམ།སྐྱེད་པ་པོ་འམ།ཀུན་ནས་སྐྱེད་པ་པོ་འམ།སློང་བ་པོ་འམ།ཀུན་ནས་སློང་བ
iiif viewer powered by OpenSeadragon
