| e-texts navigator |
| Wylie |
378b1 བདག་རྣམས་འདི་སྙམ་དུ་སེམས་ཏེ།གལ་ཏེ་གཟུགས་བདག་མ་ཡིན་ཞིང་ཚོར་བ་དང་།འདུ་ཤེས་དང་།འདུ་བྱེད་རྣམས་དང་།རྣམ་པར་ཤེས་པ་ཡང་བདག་མ་ཡིན་ན།།
378b2 འོ་ན་ཅི་གང་ནམ་ཡང་བྱུང་བར་མ་གྱུར་པ་དང་།འབྱུང་བར་མི་འགྱུར་བ་དང་།ད་ལྟར་ཡང་མེད་པའང་མ་ཡིན་ཞིང་།གང་དེ་དང་དེ་དག་ཏུ་དགེ་བ་དང་།སྡིག་པའི
378b3 ལས་བྱས་ཤིང་།བྱས་པ་དག་གི་རྣམ་པར་སྨིན་པ་སོ་སོར་མྱོང་བར་བྱེད་པ་དང་།གང་ཕུང་པོ་འདི་འདོར་ཞིང་ཕུང་པོ་གཞན་དང་ཉིང་མཚམས་སྦྱོར་བར་འགྱུར་བའི་བདག་གམ།།
378b4 སེམས་ཅན་ནམ་སྲོག་གམ།སྐྱེ་བ་འམ།གསོ་བ་འམ།གང་ཟག་གམ།ཤེད་ལས་སྐྱེས་སམ།ཤེད་བུ་འམ།བྱེད་པ་པོ་འམ།བྱེད་དུ་འཇུག་པ་པོ་འམ།
378b5 སྐྱེད་པ་པོ་འམ།ཀུན་ནས་སྐྱེད་པ་པོ་འམ།སློང་བ་པོ་འམ།ཀུན་ནས་སློང་བ་པོ་འམ།སྨྲ་བ་པོ་འམ།མྱོང་བ་པོ་འམ།སོ་སོར་མྱོང་བ་པོ་དེ་གང་ཞིག་ཡིན
378b6 སྙོམ་མོ།།དེ་ནས་བཅོམ་ལྡན་འདས་ཀྱིས་ཡུལ་མ་ག་དྷཱའི་བྲམ་ཟེ་དང་།ཁྱིམ་བདག་རྣམས་ཀྱི་སེམས་ཐུགས་ཀྱིས་མཁྱེན་ནས་དགེ་སློང་རྣམས་ལ་བཀའ་སྩལ
378b7 པ།དགེ་སློང་དག་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་ནི་བདག་བདག་ཅེས་ཐ་སྙད་འདོགས་པའི་རྗེ་སུ་ལྷུང་སྟེ།དེ་ལ་ནི་བདག་གམ་བདག་གིར་བྱ་བ་མེད་དོ།།
iiif viewer powered by OpenSeadragon
