| e-texts navigator |
| Wylie |
83a1 །དག་པར་རིག་པ་ཆེན་པོརྗེསུ་བསྒྲགས་པས་ཤིན་ཏུ་རྣམ་པར་བྱེ་བའི་དབྱིངས་ཙནྡྲ།བསོད་ནམས་མི་ཟད་པའི་མཛོད་ཀྱིས་ཡེ་ཤེས་ཀྱི་དཀྱིལ་འཁོར་ཡངས
83a2 ཤིང་འོད་གསལ་བ།ཉོན་མོངས་པ་མེད་པའི་ཆོས་ཐུགསུ་ཆུད་པས་མི་རྟེན་པར་གནས་པོ།ཆོས་ཀྱི་དབྱིངས་ཐམས་ཅད་དུ་ཤིན་ཏུ་རྣམ་པར་གྲོལ་བའི་ཡེ་ཤེས་ཀྱི་སྐུ་དང་ལྡན
83a3 པ།བསྐལ་པ་བྱེ་བ་དཔག་ཏུ་མེད་པར་ཡོན་ཏན་གྱི་ཆོས་ཡོངསུ་བརྗོད་ཀྱང་མི་ཟད་ཅིང་ཐུག་པ་མེད་པའི་ཡོན་ཏན་གྱི་བསྔགས་པ་བསྟན་པའི་ཁྱད་པར་བརྙེས་པ་དེ་དག་ལ་ཕྱག
83a4 འཚལ་ལོ།།དེ་བཞིན་གཤེགས་པ་སེམས་ཅན་ཐམས་ཅད་སྙེད་ཀྱིས་སངས་རྒྱས་བཅོམ་ལྡན་འདས་གང་རྣམས་ལས་དེ་བཞིན་གཤེགས་པ་རེ་རེའི་ཚུལ་ཁྲིམས་ཀྱི་ཡོན
83a5 ཏན་གྱི་བསྔགས་པ་ཕུན་སུམ་ཚོགས་པ་ལས་བརྩམས་ཏེ།བསྐལ་པ་མཐའ་ཡོ་བ་བསྔགས་པ་བརྗོད་ཀྱང་དེ་བཞིན་གཤེགས་པ་དེའི་ཚུལ་ཁྲིམས་ཀྱི་ཡོན་ཏན་གྱི་བསྔགས
83a6 པ་ཕུན་སུམ་ཚོགས་པའང་མི་ཟད་ཅིང་ཐུག་པ་མ་མཆིས་ལ་དེ་བཞིན་གཤེགས་པ་དེ་དག་གི་སྤྱོབས་པ་སོ་སོ་ཡང་དག་པར་རིག་པ་ལའང་ཐུག་པ་མ་མཆིས་ཏེ།དེ་ལྟར
83a7 སངས་རྒྱས་བཅོམ་ལྡན་འདས་ཚུལ་ཁྲིམས་དཔག་ཏུ་མ་མཆིས་པ་དེ་དག་ལ་མོས་པའི་མཆོག་གིས་མོས་སོ།།གཙོ་བོ་དང་།དམ་པ་དང་།ཁྱད་པར་དུ་འཕགས་པ་དང་།
iiif viewer powered by OpenSeadragon
