| e-texts navigator |
| Wylie |
110b1 ལེན་པ་མ་མཆིས་པ།འདུས་མ་བགྱིས་པའོ།།དེ་ལྟར་ཕྱག་འཚལ་བ་དང་།འཆགས་པ་དང་།རྗེ་སུ་ཡི་རང་བ་དང་།བསྐུལ་བ་དང་།གསོལ་བ་འདེབས་པ་གང་ལགས་པ་དེའང་མ་མཆིས་པ།
110b2 ལེན་པ་མ་མཆིས་པ།འདུས་མ་བགྱིས་པ་སྟེ།དེ་བཞིན་དུ་བྱང་ཆུབ་ཀྱང་ལེན་པ་མ་མཆིས་པ།འདུས་མ་བགྱིས་པ་སྟེ།ཆོས་ཉིད་དེ་དང་།མ་ཆད་པ་དང་།མ་ལྷག་པ་དང་།མ་སྨད་པ་དང་།
110b3 མཉམ་པ་མ་མཆིས་པ་དང་།མི་མཐོ་བ་དང་།མི་དམའ་བའི་ཡོང་སུ་བསྔོ་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཆོས་ཕྲ་རབ་ཙམ་ཡང་མི་དམིགས་པར་ཡོངསུ་བསྔོའོ
110b4 ཞེས་བརྗོད་པར་བྱའོ།།མིག་གཟུགས་རྣམས་ལྔ་མི་འཇུག་སྟེ།གཟུགས་ཀྱང་མིག་ལ་མ་ཡིན་མོད་ཀྱི་འོན་ཀྱང་དམིགསོ་བའི་རྒྱུ་རྐྱེན་གྱིས་རྣམ་པར་ཤེས་པ་འབྱུང་སྟེ།རྣམ་པར་ཤེས་པ་དེའང
110b5 མིག་ལས་མ་བྱུང་།གཟུགས་ལས་ཀྱང་མ་ཡིན་ཏེ།བྱུང་ནས་ཀྱང་ཞིག་ཅིང་མེད་དེ་མི་གནས་སོ།།དེ་བཞིན་དུ་རྣ་བ་ལ་མ་ཡིན།སྒྲ་ལ་མ་ཡིན།སྣ་ལ་མ་ཡིན།དྲི་ལ་མ་ཡིན།ལྕེ་ལ་མ་ཡིན།།
110b6 རོལ་མ་ཡིན།ལུས་ལ་མ་ཡིན།།རེག་བྱ་ལ་མ་ཡིན་ཏེ།ཡིད་ཆོས་རྣམས་ལ་མི་འཇུག།ཆོས་རྣམས་ཀྱང་ཡིད་ལ་མི་འཇུག་མོད་ཀྱི།འོན་ཀྱང་དམིགས་པའི་རྒྱུ་རྐྱེན་གྱིས་རྣམ་པར་ཤེས
110b7 བ་འབྱུང་སྟེ།དེའང་ཡིད་ལས་ཀྱང་མ་བྱུང་།ཆོས་ལས་ཀྱང་མ་ཡིན་ཏེ།དེ་ནི་བྱུང་ནས་ཞིག་ཅིང་མེད་དེ་མི་གནས་སོ།།དེ་བཞིན་དུ་དགེ་བའི་རྩ་བ་བྱང་ཆུབ་ལ་མི་འཇུག།བྱང་ཆུབ་ཀྱང་དགེ
iiif viewer powered by OpenSeadragon
