| e-texts navigator |
| Wylie |
91b1 ཕྱིར་ཤེས་རབ་རྣམ་པར་དག་པ་དང་།གང་ཟག་མེད་པའི་ཕྱིར་རྣམ་པར་གྲོལ་བ་རྣམ་པར་དག་པ་སྟེ།བཞི་པོ་དེ་དག་གོ།ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི
91b2 རྐང་པའོ།།བཞི་གང་ཞེ་ན།ཆོས་ཀྱི་རྐང་པ་དང་།དོན་གྱི་རྐང་པ་དང་།སྤྱད་པའི་ཡོན་ཏན་དང་།ཡོ་བྱད་བསྙུངས་པས་འཇུག་པའི་རྐང་པ་དང་།བྱང་ཆུབ་ཀྱི་ལམ་གྱི་ཚོགས་སོགས
91b3 པའི་རྐང་པ་སྟེ།བཞི་པོ་དེ་དག་གོ།།ལྕེའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལག་པའོ།།བཞི་གང་ཞེ་ན།དད་པའི་ལག་པ་དང་།ཚུལ་ཁྲིམས་ཀྱི་ལག་པ་དང་།
91b4 ཐོས་པའི་ལྷག་པ་དང་།ཤེས་རབ་ཀྱི་ལོག་པ་སྟེ།བཞི་པོ་དེ་དག་གོ།།ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མིགོ།བཞི་གང་ཞེ་ན།ལས་ལེགས་པ་བྱས་པའི
91b5 ཕྱིར་ཤའི་མིག་དང་།མངོན་པལ་ཤེས་པ་ལས་མི་ཉམས་པའི་ཕྱིར་ལྷའི་མིག་དང་།ཤིན་ཏུ་ཐོས་པའི་སྟོབས་དང་ལྡན་པའི་ཕྱིར་ཤེ་རབ་ཀྱི་མིག་དང་།ཆོས་ཐམས་ཅད་ལ་ངེས་པར
91b6 སེམས་པའི་ཕྱིར་ཆོས་ཀྱི་མིག་སྟེ།བཞི་པོ་དེ་དག་གོ།ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མི་ངོམས་པའོ།།བཞི་གང་ཞེ་ན།སྦྱིན་པས་མི་ངོམས་པ་དང་།
91b7 དགོན་པ་ལ་གནས་པས་མི་ངོམས་པ་དང་།ཆོས་ཉན་པས་མི་ངོམས་པ་དང་།དགེ་བའི་ཆོས་ཀྱི་ཚོགས་ཐམས་ཅད་ཀྱིས་མི་ངོམས་པ་སྟེ།བཞི་པོ་དེ་དག་གོ།ལྷའི་བུ་བཞི་པོ་འདི་དག
iiif viewer powered by OpenSeadragon
