| e-texts navigator |
| Wylie |
105b1 གང་སྟོང་པ་ཉིད་དེ་ནི་མཚན་མ་མེད་པ།གང་མཚན་མ་མེད་པ་དེ་ནི་སྨོན་པ་མེད་པ།གང་སྨོན་པ་མེད་པ་དེ་ནི་དོན་དམ་པ།གང་དོན་དམ་པ་དེ་ནི་ཆོས་ཀྱི་དབྱིངས།གང་ཆོས་ཀྱི་དབྱིངས་དེ་ནི་གཉིསུ
105b2 མེད་པའི་མཐའ་གང་གཉི་སུ་མེད་པའི་མཐའ་དེ་ནི་དབུ་མར་སྒྲུབ་པ།གང་དབུ་མར་སྒྲུབ་པ་དེ་ནི་ཡང་དག་པར་རྫོགས་པའི་སངས་རྒྱས་ཀྱི་ཆོས་ཀྱི་སྐུ་རྟག་པོ།བརྟན་པ་མི་འགྱུར་བ་སྟེ།རྟག་པའང
105b3 མ་ཡིན།མི་རྟག་པའང་མ་ཡིན་ཏེ།དེ་ནི་གདགས་པའང་མ་ཡིན།མི་གདགས་པའང་མ་ཡིན།གང་གདགས་པའང་མ་ཡིན།མི་གདགས་པའང་མ་ཡིན་པ་དེ་ནི་འཇིག་རྟེན་པའང་མ་ཡིན།འཇིག
105b4 རྟེན་ལས་འདས་པའང་མ་ཡིན།གང་འཇིག་རྟེན་པའང་མ་ཡིན།འཇིག་རྟེན་ལས་འདས་པའང་མ་ཡིན་པ་དེ་ནི་བརྗོད་དུ་མེད་པ།གང་བརྗོད་དུ་མེད་པ་དེ་ནི་ཆུང་ཟད་ཀྱང་མེད་པ་གང་ཅུང་ཟད་ཀྱང་མེད་པ
105b5 དེ་ནི་སེམས་ཅན་རྣམས་ཀྱི་བསོད་ནམས་ཀྱི་ཞིང་གང་སེམས་ཅན་རྣམས་ཀྱི་བསོད་ནམས་ཀྱི་ཞིང་དེ་ནི་སྟོན་པ།གང་སྟོན་པ་དེ་ནི་རྣམ་པར་མི་རྟོག་པ།གང་རྣམ་པར་མི་རྟོག་པ་དེ་ནི་དམིགས་པ་མེད
105b6 པ།གང་དམིགས་པ་མེད་པ་དེ་ནི་མི་འགྱུར་བ་གྲུབ་པ།གང་མི་འགྱུར་བ་གྲུབ་པ་དེ་ནི་ཡིད་བཞིན་ནོར་བུ་རིན་པོ་ཆེ་སྟེ།འདུལ་བའི་སེམས་ཅན་རྣམས་ཀྱི་བསམ་པ་ཐམས་ཅད་ཡོངསསུ་རྫོགས་པར
105b7 བྱ་བའི་ཕྱིར་ཇི་ལྟར་མོས་པ་ཐམས་ཅད་བྱེད་དོ།།དེ་ནས་བྱང་ཆུབ་སེམས་དཔའ་མང་པོ་དེ་དག་གིས་ཚིག་མཐུན་པར་སྨྲས་པ།ཆོས་ཀྱི་གཞུང་འདི་གང་ན་སྤྱོད་པའི་ས་ཕྱོགས་དེ་རྡོ་རྗེ་ལྟ་བུ་སྟེ།
iiif viewer powered by OpenSeadragon
