| e-texts navigator |
| Wylie |
104b1 མྱུར་དུ་འཐོབ་བོ།།གང་གི་ཡིད་ཀྱི་ལུས་དེས་གྲངས་མེད་པའི་སེམས་ཅན་རྣམས་བྱང་ཆུབ་ཏུ་སྨིན་པར་བྱེད་དོ།།དེ་ནས་ཆོས་ཀྱི་གཞུང་འདི་བཤད་པའི་ཚེ་དགེ་སློང་བདུན་སྟོང་ཟག་པ་མེད་པར་མི་སྐྱེ་བའི
104b2 སེམས་རྣམ་པར་གྲོལ་བར་གྱུར།བྱང་ཆུབ་སེམས་དཔའ་སྟོང་ཕྲག་བཅུ་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར།དམིགས་པ་ཅན་གྱི་དགེ་སློང་ལྔ་བརྒྱ་ཆོས་ཀྱི་གཞུང་འདི་མི་སྒྲུབ་ཅིང་མི་འཇུག་པ་དང་།
104b3 མ་དད་པ་ན་སྟན་ལས་ལངས་ཏེ་དོང་ངོ་།།བཅོམ་ལྡན་འདས་ངས་དགོངས་ཏེ་གསུངས་པ་འདི་དག་འཇིག་རྟེན་ཐམས་ཅད་ཡིད་མི་ཆེས་པའི་གཉེན་པོ་ཡིན་པས་ན་ཆོས་ཀྱི་གཞུང་འདི་དམིགས
104b4 པ་དང་བཅས་པ་རྣམས་མི་མཐུན་པའོ།།ཡོད་པ་མ་ཡིན་པ་ལ་བརྟེན་པ་རྣམས་དང་མི་འགལ་ཏེ།དགེ་བའི་བཤེས་གཉེན་གྱིས་བཟུང་བ་རྣཾས་དང་།ཟབ་མོའི་རྒོལ་མོ་པ་རྣ་སཾ་དང་།སྐྱོ་ཞིང་ཆོ་ག་ཤྲེ་པྲ་སཱུང་ཏེ།
104b5 དབེན་པ་ལ་མངོན་པར་དགའ་བ་རྣམས་དང་།སྔོན་གྱི་སངས་རྒྱས་རྣམས་ལ་དགེ་བའི་རྩ་བ་བསྐྲུན་པ་རྣམས་ཀྱིས་ངའི་ཆོས་ཀྱི་གཞུང་འདི་ལ་སྟོན་པར་ཤེསོ།།ཀྱེ་རྒྱལ་བའི་སྤོས་འདི་ལྟ་སྟེ།དཔེར
104b6 ན་སྐྱེས་བུ་གང་ཞིག་གཉིད་ཀྱིས་ལོག་པའི་རྨི་ལམ་ནི་འགྲོ་བ་མང་པོའི་མདུན་ན་སྨྲ་ཞིང་ཆོས་འཆད་ཀྱང་ཆོས་དེ་འཇིག་རྟེན་ཐམས་ཅད་ལས་མ་གྲགས་ནཱ།ཀྱེ་རྒྱལ་བའི་སྲས་ཅི་འགྲོ་བ་མང་བ་དེ
104b7 རྣམས་ཡོད་དེ།གང་དེས་སངས་རྒྱས་ཀྱི་ཆོས་བཤད་པ་དང་མི་འགལ་བ་སྙམ་དུ་སེམས་སམ།བྱམས་པས་སྨྲས་པ།རྨི་ལམ་ནི་ཡང་དག་པར་མཆིས་པ་སྟེ།འཁྲུལ་པ་ཙམ་ཞིང་མཆིས
iiif viewer powered by OpenSeadragon
