| e-texts navigator |
| Wylie |
103b1 དག་པར་རྫོགས་པའི་སངས་རྒྱས་ཀྱི་ཆོས་ཉིད་ནི་མི་དམིགས་པ་སྟེ།བཅོམ་ལྡན་འདས་ཀྱིས་ཀྱང་འདི་ལྟར་དགོས་ནས་འགྲོ་བ་ཐ་དད་པའི་ཆོས་ལས་འདུས་ཤིང་འཇིག་རྟེན་ལས་འདས་པའི་ཆོས་ཐར
103b2 པ་དེ་ནི་དགེ་སློང་ཡང་དག་པར་གྱུར་པ་སྟེ།དད་པས་བྱིན་པ་སྤྱོད་པའི་མཆོད་གནས་སོ།།དེ་ནས་བྱམས་པ་བྱང་ཆུབ་སེམས་དཔས་འཇིག་རྟེན་གྱི་དབང་པོ་བྱང་ཆུབ་སེམས་དཔའ་ལ་སྨྲས་པ།བཅོམ
103b3 ལྡན་འདས་ཀྱིས་ཅི་ལས་དགོངས་ཏེ་བརྩོན་པ་མི་འདོར་ངོའི་དགེ་སློང་གང་གིས་གཟུགས་མི་འདོར།ཚོར་བ་དང་།འདུ་ཤེས་དང་།འདུ་བྱེད་དང་།རྣམ་པར་ཤེས་པ་མི་འདོར་བ་དེ་ནི་རབ་ཏུ་བྱུང
103b4 བའི་དགེ་སློང་སྟེ།དེ་ནི་དགེ་བར་གསུངས་པའི་ཆོས་ཀྱི་འདུལ་བ་ལ་ཤིན་ཏུ་ས་བྱུང་བར་གྱུར་པས་ན་འདི་ལྟ་བུའི་དགེ་སློང་ནི་དད་པས་བྱིན་པ་སྤྱོད་པའི་མཆོད་གནས་སུ་གྱུར་པའོ་ཞེས་གསུངས།འཇིག
103b5 རྟེན་གྱི་དབང་པོས་སྨྲས་པ།ཀྱེ་རྒྱལ་བའི་སྲས་བཅོམ་ལྡན་འདས་ཀྱིས་ཆོས་ཉིད་ལ་དགོངས་ཏེ་ཆོས་ཀྱི་དབྱིངས་ནང་ནའང་མེད།ཕྱི་ན་འོང་མེད།གཉི་གར་ཡང་དམིགསུ་མེད་པས་ན་ནད་མེད་པར
103b6 བཏགས་པ་དྲང་།མི་སྐྱེ་བར་བཏགས་པ་དང་།མི་འགག་པར་བཏགས་པ་རྣམས་གདག་སུ་མེད་པ་སྟེ།སེམས་ཅན་གྱི་ཁམས་མཉམ་པ་བཞིན་དུ་ཆོས་ཀྱི་དབྱིངས་མཉམ་པ་ཉིད་ཆོས་ཀྱི་དབྱིངས
103b7 མཉམ་པ་བཞིན་དུ་སེམས་ཅན་གྱི་ཁམས་མཉམ་པ་ཉིད་དང་།ཆོས་ཀྱི་དབྱིངས་མཉམ་པ་ཉི་དུ་མི་གཉི་སྟེ་གཉི་སུར་དོ།།དེ་མི་གཉིས་ཏེ་གཉི་སུ་མེད་པས་ན་དེ་ལ་དོར་བའང་མེད།མི་དོར་བའང
iiif viewer powered by OpenSeadragon
