| e-texts navigator |
| Wylie |
102b1 པསྟེ།དེ་ནི་མགོ་དང་ཁ་སྤུ་བྲེགས་ཀྱང་དོན་མེད་པ་སྟེ།རྙོག་པ་འཆང་བས་རང་རྙོག་པ་དེས་ངན་སོང་དུ་གཞོལ་བ་ཡིན་ནོ།།ངས་དད་པས་བྱིན་པ་སྤྱོད་དུ་གནང་བ་ནི་རིགས་པས་གྲོལ་བ་སྟེ།དགེ
102b2 སློང་གང་བརྩོན་པ་མི་འདོར་བ་དེས་གཟུགས་མི་འདིར།ཚོར་བ་དང་།འདུ་ཤེས་དང་།འདུ་བྱེད་དང་།རྣམ་པར་ཤེས་པ་མི་འདོར།ཕུང་པོ་ལྔ་ཐ་དད་པ་དང་།རིལ་གྱིས་བརྟགས་པའི་ར
102b3 བཞིན་པས་ན་མི་རྟག་པ་དང་།།སྡུག་བསྔལ་བ་དང་།སྟོང་པ་དང་།བདག་མེད་པར་ལྟ་བ་དེ་དག་ཀྱང་མི་དམིགས་པའི་ཚུལ་གྱིས་ཁམས་དང་།སྐྱེ་མཆེད་རྣམས་མ་ཡིན་པར་སྤྲོ་བ་དམ་པར་བྱེད
102b4 པས་རྟག་ཏུ་སྒོམ་མོ།།སྙིང་པོ་མེད་པ་དང་།འབྲུམ་པ་ཅན།ཟུག་རྔུ་ཅན་དང་ལྡན་པ་སྐྱོན་ཅན།ཕ་རོལ་པོ་སླུ་བའི་ཆོས་ཉིད་ཅེས་སུན་འབྱིན་པ་དེ་དག་ཀྱང་མི་དམིགས་པའི་ཚུལ་དུ་སྦྱོར་བས།གང
102b5 ལུས་ཀྱིས་ལུས་ལ་སྲེད་པ་དང་།ལུས་ལ་བྱམས་པ་དང་།ལུས་ལ་བདག་ཡིད་ཆེ་སོ་པ་དང་།ལུས་ལ་ཞེན་པ་དེ་དག་རབ་ཏུ་སྤོང་ངོ་།།གང་འདི་ལྟ་བུའི་དགེ་སློང་ནི་དགེ་བར་གསུངས་པའི་ཆོས
102b6 དང་འདུལ་བ་ལ་རབ་ཏུ་བྱུང་བར་གྱུར།དད་པས་བསྙེན་པར་རྫོགས་པའི་ཡང་དག་པར་རྫོགས་པ་ཡིན་ཏེ།འདི་ལྟ་བུའི་དགེ་སློང་ནི་ལྷ་དང་འཇིག་རྟེན་དུ་བཅས་པ་རྣམས་ཀྱི་སྦྱིན་གནས་སུ
102b7 གྱུར་པའོ།།དེ་ནས་བྱམས་པ་བྱང་ཆུབ་སེམས་དཔས་འཇིག་རྟེན་གྱི་དབང་པོ་བྱང་ཆུབ་སེམས་དཔའ་ལ་སྨྲས་པ།བཅོམ་ལྡན་འདས་ཀྱིས་ཅི་ལས་དགོངས་ཏེ་འགྲོ་བ་ཐ་དོད་པའི་ཆོས་རྣམས
iiif viewer powered by OpenSeadragon
