| e-texts navigator |
| Wylie |
342a1 དཔའ་ལྷག་ན་རིན་ཆེན་གྱིས་སྨྲས་པ།ཀྱེ་གྲོགས་པོ་དག་ཤེས་པར་གྱིས་ཤིག་འདི་ནི་གོ་ཆ་ཆེན་པོ་ཡིན་ཏེ།དམན་པ་ལ་མོས་པས་ནི་ཡེ་ཤེས་ཆེན་པོ་དེ་རྟོགས
342a2 པར་མི་ནུས་ཀྱི།གང་གཉིད་ལོག་པའི་རྨི་ལམ་ནའང་ཐེག་པ་གཉིས་ལ་སེམས་མི་འཇུག་ཅིང་རིན་པོ་ཆེའི་སེམས་ཐམས་ཅད་མཁྱེན་པའི་སེམས་དེ་ཕ་རོལ་དག་ཀྱང་འདོད་པར་བྱེད་དུ
342a3 འཇུག་ལ་རིན་པོ་ཆེའི་སེམས་དེ་ལ་སེར་སྣ་མི་བྱེད་ཀྱི།སེམས་ཅན་ཐམས་ཅད་ཀྱང་ཐེག་པ་ཆེན་པོའི་གོ་ཆ་དེ་སྐོན་པར་བྱེད་ཅིང་སེམས་མཉམ་པ་མེད་པ་དེའང་གང་བ་འམ་བྲི་བར་ཡང
342a4 མི་མཐོང་ཞིང་།དེ་ལྟར་སེར་སྣ་མེད་པའི་སེམས་ཀྱིས་ཡེ་ཤེས་ཆེན་པོ་དེ་རྟོགས་པར་ནུས་སོ།།བྱང་ཆུབ་སེམས་དཔའ་ལག་ན་རིན་ཆེན་ཕྱག་རྒྱས་སྨྲས་པ།ཀྱེ་མའོ་སེམས་ཅན།
342a5 འདི་དག་ནི་འགྲོ་བ་དྲུག་ཏུ་ལྷུང་གིས།དེ་དང་དེ་དག་ཏུ་སྙིང་རྗེ་ཆེན་པོ་བསྐྱེད་དེ།སེམས་ཅན་ཐམས་ཅད་ལ་ཆོས་ཀྱི་ཕྱག་རྒྱ་རིན་པོ་ཆེའི་ཕྱག་རྒྱ་གསུམ་གྱིས་བཏབ་པ་སྦྱིན་པར་བྱ་སྟེ།
342a6 སེམས་ཅན་ཐོས་པ་ཉུང་བ་རྣམས་ལ་ནི་ཐོས་པའི་ལག་པ་སྦྱིན་པར་བྱའོ།།སེམས་ཅན་སེར་སྣ་ཅན་རྣམས་ལ་ནི་གཏོང་བའི་ལག་པ་སྦྱིན་པར་བྱའོ།།སེམས་ཅན་ངང་ཚུལ་ངན
342a7 པ་ཅན་རྣམས་ལ་ནི་ཚུལ་ཁྲིམས་ཀྱི་ལག་པ་སྦྱིན་པར་བྱའོ།།སེམས་ཅན་གནོད་སེམས་ཅན་རྣམས་ལ་ནི་བཟོད་པའི་ལག་པ་སྦྱིན་པོར་བྱའོ།།སེམས་ཅན་ལེ་ལོ་ཅན་རྣམས
iiif viewer powered by OpenSeadragon
