| e-texts navigator |
| Wylie |
341a1 བདེ་བ་དང་ལྡན་པ་ལ་གཞོག་པར་བྱེད་པ་དེས་ཐམས་ཅད་མཁྱེན་པའི་ཡེ་ཤེས་དེ་རྟོགས་པར་ནུས་སོ།།བྱང་ཆུབ་སེམས་དཔའ་པདྨ་བླ་མའི་དཔལ་གྱིས་སྨྲས་པ།བདག་ཉིད
341a2 མ་དུལ།མ་བསྲུངས།མ་བྱང་བ་དེས་ཕ་རོལ་མ་དུལ་མ་བསྲུངས།མ་བྱང་བ་དུལ་བར་བྱ་བ་དང་།ཞི་བར་བྱ་བའི་གནས་དེ་ནི་མེད་ཀྱི།བདག་ཉིད་ཤིན་ཏུ་དུལ།ཤིན་ཏུ་བསྲུངས།ཤིན
341a3 ཏུ་བྱང་བ་དེས་ཕ་རོལ་མ་དུལ།མ་བསྲུངས།མ་བྱང་བ།དུལ་བར་བྱ་བ་དང་།ཞི་བར་བྱ་བའི་གནས་དེ་ནི་ཡོད་དོ་ཞེས་བཅོམ་ལྡན་འདས་ཀྱིས་ཀྱང་དེ་སྐད་གསུངས་ཏེ།དེ་བས་ན་དུལ་བ
341a4 དང་ཞི་གནས་ཀྱི་རྣལ་འབྱོར་ལ་ཞུགས་ཤིང་ཕ་རོལ་དུལ་བ་དང་།ཞི་གནས་དྲང་མཐུན་པར་བྱ་བ་ལ་མཁས་པས་ཡེ་ཤེས་ཆེན་པོ་དེ་རྟོགས་པར་ནུས་སོ།།བྱང་ཆུབ་སེམས་དཔའ་པདྨ་དཔལ
341a5 འབྱུང་གིས་སྨྲས་པ།ཀྱེ་གྲོགས་པོ་དག་འཇིག་རྟེན་གྱི་ཆོས་དང་འབྲེལ་བས་འཇིག་རྟེན་ལས་འདའ་བར་མི་ནུས་ཀྱི།གང་འཇིག་རྟེན་གྱི་ཆོས་དང་མ་འབྲེལ་བ་དེ་ནི་འཇིག་རྟེན་ལས་འདའ་བར
341a6 འགྱུར་རོ།།དེ་བས་ན་བྱང་ཆུབ་སེམས་དཔའ་གང་རྙེད་པ་དང་།མི་རྙེད་པ་དང་།གྲགས་པ་དང་།མ་གླགས་པ་དང་།བསྟོད་པ་དང་།སྨད་པ་དང་།བདེ་བ་དང་སྡུག་བསྔལ
341a7 བས་མི་འཕྲོགས་ཤིང་བྱང་ཆུབ་སེམས་དཔའ་སེམས་དཔའ་ཆེན་པོ་མཁེངས་པ།མདུད་པ་དེས་ནི་ཡེ་ཤེས་ཆེན་པོ་དེ་རྟོགས་པར་སླའོ།།བྱང་ཆུབ་སེམས་དཔའ་སྐྱེ་བོ་འཛིན་གྱིས་སྨྲས
iiif viewer powered by OpenSeadragon
