| e-texts navigator |
| Wylie |
338b1 པར་གྱིས།།ཆོས་ནི་གཟུགས་སོགས་དངོས་པོ་ཐམས་ཅད་ཡིན།།བྱེད་པ་མེད་ལ་མཚན་ཉིད་འཛིན་ཕྱིར་རོ།།དེ་དག་ལོག་རྟོག་མཚན་མར་བཅས་པ་དང་།།ལྷ་མི་མཐུན་པ་ཡིན།།
338b2 ཏེ་དེ་མེད་དོ།།ཅི་ཕྱིར་ཞེ་ན་ཕྱི་ནང་ཆོས་འདི་ལ།།དངོས་ཡིད་སྤངས་ནས་སྟོང་ཉིད་མི་བཙལ་གྱིས།།སྣང་བ་ཉིད་ན་སྟོང་པ་ཉིད་ཡིན་ཕྱིར།།གཞིག་བཅོམ་མི་རྟག་ཙམ་ལ་སྟོང
338b3 མིང་གདགས།།སྣང་ལ་རང་བཞིན་མེད་པར་ཅིས་མངོན་ནུ།།ཡོད་མེད་དབུས་དང་གསུམ་དུ་མི་གནས་ཏེ།།ཡོད་པར་གྲགས་པ་འཁོར་བ་མྱ་ངན་འདས།།འཁོར་བའི་རང
338b4 བཞིན་ཡུལ་སེམས་རྣམ་གཉིས་ཏེ།།ཡུལ་འདི་དངོས་པོ་མེད་པར་འདི་ལྟར་བརྟག།རང་སྣང་རྡུལ་བཤིག་རྡུལ་ཡང་ཆས་གཞིགས་མེད།།དངོས་སྣང་ཐམས་ཅད་སེམས་ཡིན།
338b5 རྨི་ལམ་བཞིན།།སེམས་ཀྱང་ཁ་དོག་དབྱིབས་སོགས་རྣམས་དང་བྲལ།།དེས་ན་འཁོར་བ་སྟོང་ཞིང་བདག་མེད་དོ།།འཁོར་བ་མེད་པས་མྱ་ངན་འདས་པའང་མེད།།ཡོད་པ་མ
338b6 གྲུབ་པས་ན་མེད་པའང་མེད།།མཐའ་གཉིས་མེད་ཕྱིར་དབུས་ཀྱང་མེད་པ་ཡིན།།དེ་ལྟར་རྒྱལ་པོས་བདག་མེད་སྒོམ་བྱས་ན།།བདག་འཛིན་འཁོར་བརྩད་ནས་ཆོད་པར་འགྱུར།།
338b7 རྒྱལ་པོས་གསོལ་པ།སྔ་གོང་ཡན་ཆད་དགྲ་མ་ཡིན་པ་ལ་དགྲར་བཟུང་སྟེ་བདག་ཞེ་སྡང་གིས་མནར་བར་གྱུར་ཏོ།།ད་ནི་བདག་གིས་ཡང་དག་པའི་དགྲ་ངོ་ཤེས་པས་དགྲ་དེ་དང
iiif viewer powered by OpenSeadragon
