| e-texts navigator |
| Wylie |
337a1 རྒྱུ་གར་གྱི་མཁན་པོ་དྷན་ཤཱི་ལ་དང་།བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།རྒྱ་གར་སྐད་དུ།རཱཛྙཱ་དྭེ་ཤ་ནཱ་མ་མ་ཧཱ་སྠཱན་སྱཱ་ཏྲ།
337a2 བོད་སྐད་དུ།རྒྱལ་པོ་ལ་གདམས་པ་ཞེས་བྱ་བ་ཐེག་པ་ཆེན་པོའི་མདོ།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།འདི་སྐད་བདག་གིས་ཐོས་པ
337a3 དུས་གཅིག་ན།བཅོམ་ལྡན་འདས་གྲོང་ཁྱེར་ཆེན་པོ་བ་ར་ཎཱ་སི་ན་འཁོར་རྣམས་ལ་ཆོས་སྟོན་པ་ན།བད་ས་ལའི་རྒྱལ་པོ་འཆར་བྱེད་འདུལ་བའི་དུས་ལ་བབ་པར་གཟིགས་ནས་འཁོར
337a4 དང་བཅས་པ་བད་ས་ལའི་ཡུལ་དུ་གཤེགས་པ་དང་།བད་ས་ལའི་རྒྱལ་པོ་འཆར་བྱེད་གྲོང་ཁྱེར་ཆེན་པོ་གསེར་ཅན་ཞེས་བྱ་བ་གཞོམ་པའི་ཕྱིར་དམག་བཞི་དང་ཆས་པ་དང་ཕྲད
337a5 པས་རྒྱལ་པོ་འཆར་བྱེད་ཁྲོས་ཏེ།འདི་འདྲ་བའི་བཀྲ་མི་ཤིས་པ་དང་ཕྲད་པས་བསད་པར་རིགས་སོ་ཞེས་ནས་མདའ་སྟེའུ་ཁ་ཉ་རྔ་མ་བླངས་ཏེ།བཅོམ་ལྡན་འདས་ལ་འཕངས་སོ།།།
337a6 དེ་ནས་མདའ་དེ་ནམ་མཁའ་ལ་འཁོར་ཞིང་འདི་སྐད་ཅེས་གླག་གོ།།ཞེ་སྡང་གིས་ནི་སྡུག་བསྔལ་བསྐྱེད།།འདིར་ཡང་ཤ་ཐང་འཐབ་དང་རྩོད།།ཕྱི་མར་དམྱལ་བའི་སྡུག་བསྔལ
337a7 འབྱུང་།།དེས་ན་ཞེ་སྡང་འཐབ་རྩོད་སྤང་།།ཞེས་བྱ་བའི་ཚིག་དེ་རྒྱལ་པོ་འཆར་བྱེད་ཀྱིས་ཐོས་པོར་གྱུར་པ་དང་།བཅོམ་ལྡན་འདས་ལ་མོས་པར་གྱུར་ཏེ་ཕྱག་བཙལ་ནས་ཕྱོགས
iiif viewer powered by OpenSeadragon
