| e-texts navigator |
| Wylie |
335a1 ཀུན་ནས་སྲེག།ཁ་ཅིག་ལྕགས་ལས་བྱས་པའི་སྣོད་ཆེན་དུ།།སྤྱི་ཚུགས་འབྲུ་ཉུངས་ཆུ་ཁོལ་ཐུག་བཞིན་འཚེད།།ཁཱ་ཅིག་སྲོག་ལེས་འདྲ་ཞིང་གཏུན་ལ་བརྡུང་།།
335a2 ཁ་ཅིག་གནས་དང་ཁང་པརརྭ་བསྲུང་ཞིང་བསྲེག།མེ་མར་མུར་དང་ཐུལ་ཚིན་ཆུ་ལ་སོགས།།སྡུག་བསྔལ་མང་པོ་བསམ་གྱིས་མི་ཁྱབ་བོ།།མི་ཡི་ལོ་ནི་འབུམ་དང་བརྒྱད་ཁྲི་ལ།།དམྱལ
335a3 པ་ཁ་ཅིག་ན་ནི་ཉིན་ཞག་གཅིག།དེ་ལས་སོགས་པ་བསྐལ་པའི་བར་དུ་གནས།།ཤི་བར་དགའ་ཡང་འཆིར་ནི་མི་བཏུབ་བྲོ།།ལས་མ་ཟད་པ་ཁ་ཅིག་འཇིག་ཆགས་ཚེ།།འཇིག་རྟེན
335a4 བརྒྱུད་ཅིང་འཇིག་ཆགས་མེད་པར་སྐྱེ།།ཡི་དྭགས་སྐྱེས་པ་བཀྲེས་དང་སྐོམ་པས་གདུངས།མགོ་བོ་རི་ཙམ་ཁ་ནི་ཁབ་མིག་ཙམ།།སྐེ་རྩ་རབ་ཕྲ་གསུས་པ་ཡུལ་ལྗོངས་ཙམ།།བཟའ
335a5 བཏུང་མཐོང་ཡང་གཞན་གྱིས་བསྲུངས་པ་དང་།།རྣག་ཁྲག་ངན་སྐྱུགས་ལ་སོགས་གཞན་དུ་མཐོང་།།ཁ་ཅིག་ཟོས་ཀྱང་ཁྲོ་ཆུ་ཁོལ་མར་འགྲོ།བྱོལ་སོང་སྐྱེས་ན་གཅིག་ལ་གཅིག
335a6 ཟ་དང་།།རང་ལ་དབང་མེད་བཀོལ་བཏགས་བརྡེག་འཆོག་དང་།།གཞན་གྱིས་གསོད་སོགས་གཏི་མུག་རྨོངས་པས་སྡུག།མིར་སྐྱེས་ནུ་ཡང་མངལ་ན་གནས་པའི་ཚེ།།མ་ནི
335a7 འགྲངས་ཚེ་བྲག་པར་བཙིར་བ་འདྲ།།བཀྲེས་པའི་ཚེ་ན་དཔྱང་ལ་བཏང་བ་སྙམ།།དྲག་ཤུལ་བྱེད་ཚེ་གཏུན་ལ་རྡུང་བ་སྙམ།།བཙས་པའི་ཚེ་ན་པགས་པ་བཤུས་ནས་ནི།།རྩིག་པའི།།
iiif viewer powered by OpenSeadragon
