| e-texts navigator |
| Wylie |
334b1 གཞུག།བདག་གི་གྲོགས་ནི་དགེ་སྡིག་གཉིས་ལས་མེད།།དེ་ཡང་དགེ་བ་མཐོ་རིས་ཐར་པའི་རྒྱུ།།སྡིག་པ་ངན་སོང་སྡུག་བསྔལ་འབྱུང་བའི་རྒྱུ།།མ་ཤི་བར་དུའང་ལུས་ནི་མི་རྟག་སྟེ།།བུ།
334b2 ཆུང་བྱིས་པ་གཞོན་ནུ་ཉིད་དུ་འགྱུར།དེ་ནས་དར་ལ་བབ་དང་དར་ཡོལ་དང་།།རྒས་པར་གྱུར་ཏེ་ལུས་འདི་རྟག་ན་ནི།།གནས་སྐབས་དེ་སྙེད་ཅིག་ནི་ཅིས་ཏེ་འགྱུར།།ལོངས་སྤྱོད་བདེ།
334b3 སྡུག་རྣམས་ཀྱང་མི་རྟག་སྟེ།།བཙན་ཕྱུག་འཛོམ་པ་སྡུག་ཕོངས་ཅན་དུ་འགྱུར།།སྡུག་ཕོངས་ཅན་ཡང་བཙན་ཕྱུག་འཛོམ་པར་འགྱུར།།ལང་ཚོ་ལོངས་སྤྱོད་ན་རྒ་འཆི་བས་འཇོམས།།འཇིག།
334b4 རྟེན་ཆོས་འདི་ཐམས་ཅད་མི་རྟག་གོ།རྒྱལ་པོ་གཟུགས་ཅན་སྙིང་པོས་གསོལ་པ།བཅོམ་ལྡན་འདས་འཁོར་བ་པ་འདིའི་སྡུག་བསྔལ་ཇི་ལྟ་བུ་ལགས།བཅོམ་ལྡན་འདས་ཀྱིས་བཀའ
334b5 སྩལ་པ།འཁོར་བ་པ་ལ་ནམ་ཡང་བདྲེ་བ་མེད།།བྱས་པ་ཐམས་ཅད་དོན་མེད་སྡུག་བསྔལ་རྒྱུ།།སྡུག་བསྔལ་གཙོ་བོ་སྐྱེ་རྒན་འཆི་ཡིནི།།དམྱལ་བར་སྐྱེས་ན་སྡུག་བསྔལ་འདི་འདྲའོ།།དམྱལ་སྲུང
334b6 དང་ནི་དམྱལ་བའི་མེ་མཐོང་ནས།།ཤིན་ཏུ་སྐྲག་དངོངས་ཆོ་ངེས་ཆེར་འདྲབས་ཤིང་།།རིང་ལ་རྔན་འགྲང་སྔོན་གྱི་སྡིག་པ་ལ།།ཤིན་ཏུ་འགྱོད་ཀྱང་ཕན་པ་ཅི་ཡང་མེད།།ལུས་འདི་ཤིན་ཏུ
334b7 ཆེ་ལ་གཞོན་ཤ་ཅན།།ཚོར་བ་ཆེ་ཞིང་དྲག་པོའི་ལུས་ཐོབ་ནས།།ཁ་ཅིག་རང་ལུས་མེ་ཡི་ཕུང་པོར་འབར།།ཁ་ཅིག་ལྕགས་མཁར་ཁང་པ་སྦྲུམ་མར་རྡུང་།།འགྲེ་ལྡོག་བྱེད་ཅིང་ཕྱོགས་ནི
iiif viewer powered by OpenSeadragon
