| e-texts navigator |
| Wylie |
333b1 ཤིང་འཆི་དང་ཕྲར་ཕར་ཉེ།།མི་ཤིར་འདོད་ཀྱང་རང་ལ་རང་དབང་མེད།།སྐྱེ་རྒ་ན་འཆི་རང་ཐག་རི་མོ་འདྲ།།འཆི་བདག་བདུད་ནི་སོ་བྱ་ཉ་སྡོད་འདྲ།།འཆི་བའི་རྐྱེན་ནི་བསམ་གྱིས་མི
333b2 ཁྱབ་སྟེ།།འཆི་རྐྱེན་མ་སོང་དངོས་པོ་གང་ཡང་མེད།།ལུས་འདི་ཟས་ཀྱིས་འཚོ་ཡང་བརྣངས་ནས་འཆི།།འཇིག་རྟེན་འདི་ན་ཆེ་ཆུང་ཕྲུག་དབུལ་ཀུན།།འཆི་བདྲག་དབང་དུ་མི་འགྱུར་གང
333b3 ཡང་མེད།།སྔ་མ་ཤི་བླའི་མི་རྣམས་ཀུན་གྱིས་ཀྱང་།།རྟག་ཏུ་རེ་ནས་བུ་དང་ནོར་བསགས་ཀྱང་།།བུ་ནོར་ཕྱིར་ལུས་བདག་ལ་ཕན་པ་མེད།།རུང་གི་དྲགེ་སྡིག་གཉིས་དང་འགྲོགས།
333b4 ཏེ་འཆི།།དྲ་ལྟར་རང་གི་གནས་པའི་རིང་འདི་ལའང་།།དགའ་བཤེས་གཉེན་འདུན་མཛའ་དང་མི་མཛའ་དང་།།ན་ཚོད་མཐུན་དང་རྒན་གཞོན་ཇི་སྙེད་ཅིག།ཤི་བ་མཐོང་ཞིང
333b5 ཐོས་པ་མ་ཡིན་ནམ།།ས་སྟེང་གནས་པའི་སེམས་ཅན་འདི་ཀུན་ཀྱང་།།ལོ་བརྒྱ་ཚུན་ཆད་སྡོད་ཀྱང་མ་ལུས་འཆི།།དེ་བསུ་རང་རིའང་འཆི་བའི་ཆོས་ཅན་ཡིན།།དེང་འཆི་སང་འཆི་སུས
333b6 ཀྱང་མི་ཤེས་ཏེ།།ཚོད་འཛིན་པ་ཡང་མི་འཇིགས་སྦྱིན་མེད་པས།།སང་ཕོད་དེང་སང་བདག་ཉིད་ཇི་ལྟར་འགྱུར།།འཆི་བའི་ཚེ་ན་ཕ་མ་བུ་ཚ་དང་།།ཕུ་ནུ་མཛའ་བཤེས་བྲན་ཁོལ་ནོར
333b7 ཀུན་ཀྱང་།།བདག་ཉིད་འཆི་བའི་ཕྱི་ན་འོད་མེད་པས།།སྡུག་བསྔལ་སྐལ་ལེན་འགའ་ཡང་ཡོད་མ་ཡིན།།དེ་བས་སྐྱེས་ཀྱང་བདག་ཉིད་གཅིག་པུ་སྐྱེས།།ཐ་མ་འཆི་ཡང་བདག་ཉིད
iiif viewer powered by OpenSeadragon
