| e-texts navigator |
| Wylie |
332b1 གཤེགས་པ་བློན་པོ་ཟླ་བ་བཟང་པོས་མཐོང་ནས་རྒྱལ་པོ་ལ་སྨྲས་པ།ལྷ་ལགས་སངས་རྒྱས་འཁོར་དང་བཅས་པའོ་སྐོལ་གྱི་ཡུལ་དུ་བྱོན་པས་གྲོང་ཁྱེར་བརྒྱན་པ་དང་བསྙེན་བཀུར་བྱ་བར་རིགས
332b2 སོ།།རྒྱལ་པོས་སྨྲས་པ།ཛམྦུའི་གླིང་ན་ང་ལས་ཆེ་བ་མེད་པར་སུ་ལ་བསྙེན་བཀུར་བྱེད་ཅེས་སླར་ཉིད་དུ་དྲེགས་པར་གྱུར་ཏོ།།དེ་ནས་རྒྱལ་པོ་གཟུགས་ཅན་སྙིང་པོའི་ཕོ་བྲང་གི་སྒོར་གདན
332b3 བཤམས་པ་ལ་བཅོམ་ལྡན་འདས་འཁོར་དང་བཅས་པ་བཞུགས་སོ།།དེ་ལྟར་བཞུགས་པར་ཤེས་ནས་རྒྱལ་པོས་གྱད་ཆེན་པོའི་འདེགས་ཞེས་བྱ་བ་རྦད་དེ་རྡོ་ཤིན་ཏུ་ཆེ་བ་བཅོམ་ལྡན་འདས
332b4 ལ་འཕངས་སོ།།རྡོ་དེ་ནམ་མཁའ་ལ་ལྡིང་ཞིང་དེ་ལས་སྒྲ་འདི་སྐད་ཅེས་གྲག་གོ།ཀྱེ་མ་འདུས་བྱས་རྟག་པ་མེད།།སྐྱེ་ཞིང་འགོག་པའི་ཆོས་ཅན་ཡིན།།སྐྱེ་བ་ཡོད་ན་འཆི་བ་ཡོད།།
332b5 འདུ་བ་ཡོད་ན་འབྲལ་བ་ཡོད།།བསགས་པ་ཡོད་ན་འཛད་པ་ཡོད།།ལང་ཚེའི་མདོག་ཀྱང་ནད་ཀྱིས་འཕྲོག།འཚོ་བའི་ཚེ་ཡང་འཆི་བས་འཕྲོག།ཆགས་པར་གྱུར་ན་སྡུག་བསྔལ་འཕེལ།།།
332b6 སྐྱོ་བར་བྱས་ན་ཐར་པར་འགྱུར།།ཞེས་པ་དེ་རྒྱལ་པོ་གཟུགས་ཅན་སྙིང་པོས་ཐོས་པས་མོས་པར་གྱུར་ཏེ་ཐད་དུ་སོང་ནས་ཐལ་མོ་སྦྱར་ཏེ་འཁོད་པ་ལ་བཅོམ་ལྡན་འདས་ཀྱིས་བཀའ་སྩལ་པ།
332b7 རྒྱལ་པོ་ཆེན་པོ་ཆོས་ལ་མོས་པར་བྱ།ཁོང་དུ་ཆུད་པར་བྱ།བསྒོ་བར་བྱ་ཡིད་འབྱུང་བར་བྱའོ།།རྒྱལ་པོས་གསོལ་པ།བཅོམ་ལྡན་འདས་གང་ལ་སྐྱོ་བར་བགྱི།ཡིད་འབྱུང་བར་བགྱི།
iiif viewer powered by OpenSeadragon
