| e-texts navigator |
| Wylie |
194a1 ནི་ས་བོན་འབྲུ་བའི་བྱ་བ་བྱེད་དོ།།ནམ་མཁའི་ཁམས་ནི་ས་བྲོན་ལྔ་མི་སྒྲིབ་པའི་བྱ་བ་བྱེད་དོ།།དུས་ནི་ས་བོན་འགྱུར་བའི་བྱ་བ་བྱེད་དོ།།རྐྱེན་འདི་རྣམས
194a2 མེད་པར་ས་བོན་ལས་མྱུ་གུ་མངོན་པར་འགྲུབ་པར་མི་འགྱུར་གྱི།ནམ་ཕྱི་རོལ་གྱི་སེའི་ཁམས་མ་ཚང་བ་མེད་པར་གྱུར་ལ་དེ་བཞིན་དུ་ཆུ་དང་།མེ་དང་།རླུང་དང་།ནམ
194a3 མཁའ་དང་།དུས་ཀྱང་མ་ཚང་བ་མེད་པར་གྱུར་ཏེ།ཐམས་ཅད་འདུས་པ་ལས་ས་བོན་འགགས་པ་ན་དེ་ལས་མྱུ་གུ་མངོན་པར་འགྲུབ་པར་འགྱུར་རོ།།དེ་ལ་སའི་ཁམས
194a4 ཀྱང་འདི་སྙམ་དུ་བདག་གིས་ས་བོན་རྟེན་པའི་བྱ་བ་བྱའོ་སྙམ་དུ་མི་སེམས་སོ།།དེ་བཞིན་དུ་ཆུའི་ཁམས་ཀྱང་འདི་སྙམ་དུ་བདག་གིས་ས་བོན་བརླན་པར་བྱའོ་སྙམ་དུ་མི
194a5 སེམས་སོ།།མེའི་ཁམས་ཀྱང་འདི་སྙམ་དུ་བདག་གིས་སྭ་བོན་ཡོངས་སུ་དྲོ་བར་བྱའོ་སྙམ་དུ་མི་སེམས་སོ།།རླུང་གི་ཁམས་ཀྱང་འདི་སྙམ་དུ་བདག་གིས་ས་བོན་འབུ་བར
194a6 བྱའོ་སྙམ་དུ་མི་སྙེམས་སོ།།ནམ་མཁའི་ཁམས་ཀྱང་འདི་སྙམ་དུ་བདག་གིས་ས་བོན་ལ་མི་སྒྲིབ་པའི་བྱ་བ་བྱའོ་སྙམ་དུ་མི་སེམས་སོ།།དུས་ཀྱང་འདི་སྙམ་དུ་བདག་གིས
194a7 སོ་བོནི་བསྒྱུར་བའི་བྱ་བ་བྱའོ་སྙམ་དུ་མི་སེམས་སོ།།ས་བོན་ཡང་འདི་སྙམ་དུ་བདག་གིས་མྱུ་གུ་མངོན་པར་བསྒྲུབ་བོ་སྙམ་དུ་མི་སེམས་སོ།།མྱུ་གུའང་འདི་སྙམ་དུ་བདག་ནི།
iiif viewer powered by OpenSeadragon
