| e-texts navigator |
| Wylie |
480b1 བཞིན་གཤེགས་པས་རབ་མཁྱེན་ཀྱང་།།བརྗོད་པ་དག་ནི་སྐྱོན་མཛད་པ།།འདི་ནི་འཇིག་རྟེན་མཐུན་འཇུག་ཡིན།།སངས་རྒྱས་མཁྱེན་པ་ཆགས་མི་མངའ།།
480b2 དུས་རྣམས་ཀུན་ཏུ་མཉམ་གཞོག་ཀྱང་།།དབང་པོ་རྣམས་ནི་སྐྱེད་མཛད་པ།།འདི་ནི་འཇིག་རྟེན་མཐུན་འཇུག་ཡིན།།དེ་བཞིན་གཤེགས་པ་རྡོ་རྗེའི་སྐུ།།སངས།
480b3 རྒྱས་ཅུང་ཟད་མི་བསྐྲུན་ཡང་།།དགེ་སློང་བྱང་ཆུབ་ཡན་ལག་སྨྲོས།།འདི་ནི་འཇིག་རྟེན་མཐུན་འཇུག་ཡིན།།སྡིག་པ་ཐམས་ཅད་ཡོངས་ཟད་དེ།།བསོད་ནམས
480b4 ཀུན་གྱིས་མངོན་འཕགས་ཀྱང་།།ལས་ཀྱི་རྒྱུད་ནི་སྟོན་མཛད་པ།།འདི་ནི་འཇིག་རྟེན་མཐུན་འཇུག་ཡིན།།སྐྱོབས་པ་སངས་རྒྱས་དུས་གསུམ་ལ།།མཐར་ཐུག
480b5 འགྱུར་བ་ཡོད་མིན་ཡང་།།མཚམས་གཅོད་པ་ཡང་སྟོན་མཛད་པ།།འདི་ནི་འཇིག་རྟེན་མཐུན་འཇུག་ཡིན།།དེ་བཞིན་གཤེགས་པ་ཆོས་སྐུ་སྟེ།།གཅིག་ཅི
480b6 འདྲི་བར་དེ་བཞིན་ཀུན།།འོན་ཀྱང་ཐ་དད་སྟོན་མཛད་པ།།འདི་ནི་འཇིག་རྟེན་མཐུན་འཇུག་ཡིན།།སངས་རྒྱས་རང་སངས་རྒྱས་རྣམས་དང་།།ཉན་ཐོས
480b7 སོ་སོའི་སྐྱེ་བོ་དང་།།འཁོར་བ་དང་ནི་མྱ་ངན་འདས།།ཚིག་གི་ལམ་གྱིས་རབ་ཏུ་ཕྱེ།།སངས་རྒྱས་ཡེ་ཤེས་མཐའ་ཡས་ཏེ།།ཆོས་ཀྱི་དབྱིངས་ལས་བྱུང
iiif viewer powered by OpenSeadragon
