| e-texts navigator |
| Wylie |
426b1 མེ་ཏོག་བླངས་ཏེ་གཏོར།།དེ་ནི་བརྒྱན་ནས་རྒྱལ་བ་དམ་པ་ཐོབ།།རང་གིས་ཁྱིམ་དུ་སྟོབས་བཅུ་བསྙེན་བཀུར་བྱེད།།དེ་ཡིས་བཤོས་གསོལ་ཆོས་བཟང་སྟོན་པ་མཛད།།
426b2 དྲད་པ་སྐྱེས་ནས་མི་མཆོག་བསྙེན་བཀུར་བྱེད།།གོས་ཀྱང་ཐོགས་ཏེ་རྣམ་པར་འདྲེན་ལ་འབུལ།།སངས་རྒྱས་བྱང་ཆུབ་མཚུངས་མེད་མཆོག་ཐོབ་ནས།།སྟོབས་བཅུ་ལྡན།
426b3 ཞིང་གཡོ་བ་མེད་གྱུར་ལྔ།།བྱང་ཆུབ་སངས་རྒྱས་སྡུག་བསྔལ་སྐྱེ་བོ་འགྲོལ།།འཇིག་རྟེན་ཀུན་ཏུ་མཚུངས་མེད་སངས་རྒྱས་ཤོག།དེ་ཡི་སྨོན་ལམ་འདི་འདྲ་འདི་དང་ནི།།
426b4 སངས་རྒྱས་ཡེ་ཤེས་དེ་སེམས་དགའ་མཁྱེན་ནས།།སྟོབས་བཅུ་འཛུམ་མཛད་འཇིག་རྟེན་ཐམས་ཅད་དུ།།མཚུངས་མེད་སངས་རྒྱས་འགྱུར་ཞེས་ལུང་སྟོན་ཏོ།།སྐྱེས་བུ
426b5 དམ་པ་མཆོག་གི་གསུང་ཐོས་ནས།།བདེ་གཤེགས་མཆོག་གསུང་གཞན་དུ་མི་འགྱུར་ཏེ།།བདག་ནི་རྒྱལ་བ་མཆོག་འགྱུར་དྲོགས་མེད་ཅེས།།དགའ་ཞིང་མགུ་ནོས་པར
426b6 སྣང་ཀུན་ཏུ་རྒྱུ།།འཇིག་རྟེན་ལྷ་ཡི་ལྷར་གྱུར་སངས་རྒྱས་སུ།།ཁྱད་འཕགས་མཚུངས་མེད་སྦྱིན་གནས་འགྱུར་བ་དང་།།དེ་སེམས་སྤྱོད་དང་འགལ་བར་གནས་མཁྱེན་ནས།།།
426b7 དེ་ལ་སྟོབས་བཅུ་མངའ་བས་བཞེས་པར་འགྱུར།།བདེ་གཤེགས་མཆོག་གིས་གོས་ནི་བཞེས་རིག་ནས།།དེ་ནི་ཤུགས་སྐྱེས་རབ་དགའ་སེམས་མགུ་སྟེ།།མཚུངས་མེད
iiif viewer powered by OpenSeadragon
