| e-texts navigator |
| Wylie |
396b1 དང་བཅའ་བ་མང་པོས་ཚིམ་པར་བྱས་སོ།།དེ་ནས་བཅོམ་ལྡན་འདས་གཙང་སྔོར་ནི་གྱུར་ཕྱག་ནི་བཅབས་ནས་རྒྱལ་པོའི་བཙུན་མོ་བདོ་ལྡན་མ་ལ་ཆོས་ཀྱི་གཏམ་རྒྱས་པར་ཡང
396b2 དག་པར་བསྟན།ཡང་དག་པར་འཛིན་དུ་བཅུག།ཡང་དག་པར་གཟེང་བསྟོད།ཡང་དག་པར་རབ་ཏུ་དགའ་བར་མཛད་ནས་ལུང་བསྟན་ཏེ།བདེ་ལྡན་མ་ཁྱོད་མ་འོངས་པའི
396b3 དུས་བསྐལ་པ་དུ་མ་ཞིག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷ་དང་མི་རྣམས་ཀྱི་སྟོན་པ།སངས་རྒྱས་བཅོམ་ལྡན་འདས་ཡོན་ཏན
396b4 རིན་ཆེན་དཔལ་ཞེས་བྱ་བར་འགྱུར་རོ།།ཁྱོད་ཀྱི་སངས་རྒྱས་ཀྱི་ཞིང་ཡང་མཆོག་ཏུ་ཡོངས་སུ་དག་པར་འགྱུར་ཏེ།ངན་སོང་ངན་འགྲོ་ལོག་པར་ལྷུང་བའི་སྡུག་བསྔལ་མོད་པ
396b5 ཡིད་དུ་འོང་བ་ཡིད་དང་འཐད་པ་མཆོག་ཏུ་རྣམ་པར་དག་པའི་བྱང་ཆུབ་སེམས་དཔའ་རྣམས་ཀྱི་གནས་ཡིན་ཏེ།ཁྱོད་ཀྱི་སངས་རྒྱས་ཀྱི་ཞིང་དེ་ནི་དེ་ལྟ་བུར་འགྱུར་རོ།།ཆོས་ཀྱི་རྣམ
396b6 གྲངས་འདི་བཤད་པ་ན་དགེ་བསྙེན་མ་སྟོང་ཕྲག་མང་པོ་ཞིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།།སྲོག་ཆགས་སྟོང་ཕྲག་མང་པོ་དང་།ལྷ
396b7 དང་མིའི་སྐྱེ་དགུ་རྣམས་ཀྱིས་ནི་ཆོས་ཀྱི་སྣང་བ་ཐོབ་པར་གྱུར་ཏོ།།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།རྒྱལ་པོའི་བཙུན་མོ་བདེ་ལྡན་མ་དང་།འཁོར་དེ་དག
iiif viewer powered by OpenSeadragon
