| e-texts navigator |
| Wylie |
160b1 བསླབས་པར་གྱུར།ཁྱེའུ་རིན་ཆེན་བྱིན་གྱིས་སྨྲས་པ།བསླབ་པ་ཐམས་ཅད་རྣམ་འཇིག་པ།།བསླབ་པ་གང་ཡིན་དེ་བསླབ་མིན།།ཀང་ལ་བསླབ་པ་མེད་པ་དྲི།།མཁས་པ
160b2 རྣམས་ཀྱི་བསླབ་པ་ཡིན།།དོན་གང་ཁྱོད་ཀྱིས་བདག་དྲིས་པ།།སེམས་ཅན་འདུ་ཤེས་གནས་པ་སྟེ།།འདིར་ནི་ཆོས་རྣམས་ཐམས་ཅད་ལ།།གང་ལ་ཡང་སྐྱེ་བ་མི་རྙེད་དོ།།བྱིས
160b3 པ་རྣམས་ནི་བྱང་ཆུབ་དང་།།འཁོར་བ་ཉིད་དུ་རྟོག་པར་བྱེད།།འདིར་ནི་ད་དུང་བཙུན་པ་ཁྱོད།།བྱིས་པའི་ཆོས་ལ་འབྲང་ངམ་ཅི།།རིང་པོའམ་ཡང་ན་ཐུང་དྲོ་ཞེས།།མཁས་པ
160b4 དག་ནི་རྟོག་མི་བྱེད།།ཆོས་ཀུན་རྙིང་པོ་མེད་པར་ནི།།དེ་བཞིན་དེ་དག་ཁོང་དུ་ཆུད།།བྱིས་པྲའུམ་བྱིས་པའི་ཆོས་རྣམས་སམ།།སངས་རྒྱས་ཆོས་སམ་རྒྱལ་བའང་རུང་།།བློ་ལྡན་ཐ
160b5 ད་མི་འབྱེད་ཀྱིས།།སྟོང་པ་ཉིད་ལ་དེ་ལྟར་ལྟོས།།དྲང་སྲོང་ཆེན་པོས་བྱང་ཆུབ་ཐོབ།།དེ་ནི་མི་རིགས་བརྟགས་པ་ཡིན།།ཆོས་འདི་ལ་ནི་སྐྱེ་མེད་ན།།མྱ་ངན་འདས་པ་ཇི་ལྟར་ཐོབ།།
160b6 ཆོས་རྣམས་མཐའ་ཡས་རབ་ཏུ་གསུངས།།སེམས་ཅན་གྲོལ་བའང་དངོས་པོ་མེད།།མྱ་ངན་འདས་དང་འཁོར་བ་ལ།།ཐ་དད་དབྱེར་མེད་གཟུང་བར་གྱིས།།འདི་ལ་རྣམ་པ་ཐམས
160b7 ཅད་དུ།།བསྣན་དང་དབྲི་བ་ཅི་ཡང་མེད།།ཐ་དད་མེད་པའི་ཆོས་རྣམས་ལ།།མཁས་པ་རྣམས་ནི་རྨོངས་མི་འགྱུར།།བྱིས་པ་རྣམས་ཀྱིས་ཐོབ་ཅིང་རྙེད།།བྱིས་པས་མྱ་ངན་འདས
iiif viewer powered by OpenSeadragon
