| e-texts navigator |
| Wylie |
156a1 ཕན་མཛད་ཐུགས་རྗེར་ལྡན་པ་དེ།།འགྲོ་བའི་སྡུག་བསྔལ་བསལ་བའི་ཕྱིར།།རྣམ་པར་འདྲེན་པ་འདིར་གཤེགས་སོ།།བསྟོད་ཀྱང་དགྱེས་པར་མི་འགྱུར
156a2 ལ།།སྨད་ཀྱང་འཁྲུག་པར་མི་འགྱུར་ཏེ།།ཁོང་ཁྲོ་རྗེས་སུ་ཆགས་པ་སྤངས།།ཆགས་མེད་རྒྱུ་བ་རླུང་དང་འདྲ།།འདི་ནི་ཆེས་རྒྱལ་དམ་པ་སྟེ།།ཡེ་ཤེས་ཟབ་མོ་ཕུན་སུམ
156a3 ཚོགས།།དོན་དམ་དོན་ལ་མཁས་པ་པོ།།འགྲོ་བའི་སློབ་དཔོན་གཤེགས་པ་ཡིན།།དེ་ནི་དབུ་མོ་སྟོན་པ་སྟེ།།ཡོད་མེད་འཛིན་ལས་རྣམ་པར་གྲོལ།།ཆོས་ལམ་ལྡན་ཞིང
156a4 ཞི་བ་སྟེ།།བསྟེན་པ་ཐམས་ཅད་ཡོངས་སུ་སྤངས།།ཡེ་ཤེས་ཕུང་པོ་བདག་མེད་བདག།བསོད་ནམས་ཚོགས་རྣམས་བསགས་པ་ཡི།།བདེ་གཤེགས་འཇིག་རྟེན་འདྲེན
156a5 པ་པོ།།མཐའ་ཡས་གཟུགས་ཅན་དེང་གཤེགས་སོ།།དབུ་སྐྲ་གཡས་སུ་འཁྱིལ་བར་གནས།།འཇམ་ཞིང་མདོག་བསྡུམ་ལྕང་ལོ་ཅན།།གནག་ཅིང་འཛིངས་པ་མེད་རྣམས
156a6 ཀྱིས།དེ་ཡི་དབུ་ནི་རྣམ་པར་མཛེས།།གཙུག་ཏོར་གཡས་སུ་འཁྱིལ་བ་སྟེ།།དབུ་སྐྲ་འཁྱིལ་ཅིང་ལེགས་པར་གན་སྡེ།།རི་རབ་རྩེ་མོ་འདྲ་བར་ནི།།དེ་ཡི་དབྱིབས་ནི་མཛེས
156a7 པ་ཡིན།།དེ་ཡི་སྨིན་མཚམས་མཛོད་སྤུ་མཛེས།།འཇམ་ཞིང་གཡོས་སུ་འཁྱིལ་བ་སྟེ།།འོད་ནི་ཤེལ་དག་ཟླ་བ་ཡི།།བོད་ཟེར་དྲ་བ་མང་བས་ལྷག།དེ་ཡི་ཞལ་ནས
iiif viewer powered by OpenSeadragon
