| e-texts navigator |
| Wylie |
309b1 ཤེས་པར་མི་བྱེད་དོ།།དེ་ཅིའི་ཕྱིར་ཞེ་ན།མིག་ནི་བྱེད་པ་པོ་མེད་པ་སྟེ།རྩཝ་དང་ཤིང་དང་།རྩིག་པ་དང་།གྱོ་མོ་ལྟ་བུ་ཡིན་པ་དང་།དེ་བཞིན་དུ་རྣ་བ་དང་།སྣ་དང་།
309b2 ལྕེ་དང་།ལུས་དང་།ཡིད་ནི་བྱེད་པ་མེད་པ་སྟེ།རཱྀ་དང་།ཤིང་དང་།རྩིག་པ་དང་།གྱོ་མོ་ལྟ་བུ་ཡིན་པའི་ཕྱིར་རོ།།རྣམ་པར་འཕྲུལ་པའི་རྒྱལ་པོ་མིག་ནི་ཆགས་པའ
309b3 མ་ཡིན་ཆགས་པ་མེད་པའང་མ་ཡིན་ནོ།།དེ་ཅིའི་ཕྱིར་ཞེ་ན།མིག་ནི་རང་བཞིན་གྱིས་ཆགས་པ་མེད་པའི་ཕྱིར་རོ།།རྣམ་པར་འཕྲུལ་པའི་རྒྱལ་པོ་རྣ་བ་དང་།སྣ་དང་།ལྕེ
309b4 དང་།ལུས་དང་།ཡིད་ནི་ཆགས་པའང་མ་ཡིན་ཆགས་པ་མེད་པའང་མ་ཡིན་ནོ།།ད་ཅིའི་ཕྱིར་ཞེ་ན།ཡིད་ནི་རང་བཞིན་གྱིས་ཆགས་པ་མེད་པའི་ཕྱིར་རོ།།རྣམ་པར
309b5 འཕྲུལ་པའི་རྒྱལ་པོ་སྐྱེ་མཆེད་ཐམས་ཅད་ལ་གང་དེ་ལྟར་རབ་ཏུ་ཤེས་ཤིང་ཤེས་ནས་ཀྱང་ཆགས་པ་མེད་པ་དེ་ནི་སྐྱེ་མཆེད་ཤེས་པ་ཞེས་བྱའོ།།གང་ཕུང་པོ་དང་།ཁམས
309b6 དང་།སྐྱེ་མཆེད་རྣམས་ལ་དེ་ལྟར་ཤེས་ནས་སྐྱེ་བ་མེད་པ་དང་།འབྱུང་བ་མེད་པ་དང་།ཤིན་ཏུ་མྱ་ངན་ལས་འདའ་བར་གྱུར་ཀྱང་སྐྱེ་ཞིང་འབྱུང་ལ་ཕུང་པོ་དང་ཁམས་དང་།
309b7 སྐྱེ་མཆེད་རྣམས་ཀྱང་ཡོངས་སུ་འཛིན་ཅིང་ཕུང་པོ་དང་།ཁམས་དང་།སྐྱེ་མཆེད་རྣམས་ཀྱང་མི་སྤོང་བ་དེ་ནི་དེའི་ཤེས་པའི་རྣམ་པར་འཕྲུལ་པའོ།།གང་ཕུང་པོ་དང་།
iiif viewer powered by OpenSeadragon
