| e-texts navigator |
| Wylie |
300a1 ཟག་ཅེས་བྱ་བའམ།ཆོས་ཤེས་པ་སྙན་པར་གྱུར་པ་དེ་ཚིག་ཏུ་ལྟ་བར་མི་བྱའོ།།དེ་ཅིའི་ཕྱིར་ཞེ་ན།གང་ལ་གཉིས་ཡོད་པ་དེ་སངས་རྒྱས་ཀྱི་ཚིག་མ་ཡིན
300a2 པའི་ཕྱིར་ཏེ།སངས་རྒྱས་ཀྱི་ཚིག་ནི་གཉིས་སུ་མེད་པའོ།།གང་ལ་སྒྲ་ཡོད་པ་དེ་ནི་སངས་རྒྱས་ཀྱི་ཚིག་མ་ཡིན་ཏེ།སངས་རྒྱས་ཀྱི་ཚིག་ནི་སྒྲ་མེད་པའོ།།གང་ལ་བརྗོད་པ
300a3 ཡོད་པ་དེ་ནི་སངས་རྒྱས་ཀྱི་ཚིག་མ་ཡིན་ཏེ།སངས་རྒྱས་ཀྱི་ཚིག་ནི་བརྗོད་པ་མེད་པའོ།།རྣམ་པར་འཕྲུལ་པའི་རྒྱལ་པོ་དེ་ལྟ་བས་ན་བྱང་ཆུབ་སེམས་དཔའ་གང་སངས་རྒྱས་ཀྱི་ཚིག
300a4 ལ་ཞུགས་པ་དེ་ནི་མངོན་པར་ཤེས་པ་ཐོབ་པ་ཞེས་བྱ་སྟེ།དེ་ལྷའི་རྣ་བ་དེས་སྒྲ་ཐམས་ཅད་ཆོས་ཉིད་དང་མཐུན་པར་སངས་རྒྱས་ཀྱི་བྱང་ཆུབ་རྟོག་པར་བྱེད་དོ།།རྣམ་པར་འཕྲུལ
300a5 པའི་རྒྱལ་པོ་འདི་ལྟ་སྟེ།ལྷའི་རྣ་བ་འདི་ནི་བྱང་ཆུབ་སེམས་དཔའི་མངོན་པར་ཤེས་པ་གཉིས་པའོ།།།།འཕགས་པ་རྣམ་པར་འཕྲུལ་པའི་རྒྱལ་པོས་ཞུས་པ།།པམ
300a6 པོ་གཉིས་པ།།རྣམ་པར་འཕྲུལ་པའི་རྒྱལ་པོ་གཞན་ཡང་བྱང་ཆུབ་སེམས་དཔའ་ཕ་རོལ་གྱི་སེམས་ཤེས་པའི་མངོན་པར་ཤེས་པ་འཐོབ་ཅིང་སེམས་ཀྱི་སེམས་ཅན་གཞན་དག
300a7 དང་།གང་ཟག་གཞན་རྣམས་ཀྱི་སེམས་རབ་ཏུ་ཤེས་ཏེ།འཁོར་གང་དང་གང་དུ་ཆོས་འཆད་དུ་འགྲོ་བར་དེ་དང་པོ་ཉིད་དུ་སེམས་ཅན་གང་གི་བསམ་པ་ཇི་ལྟ་བུ།སྦྱོང་།།
iiif viewer powered by OpenSeadragon
