| e-texts navigator |
| Wylie |
291b1 ཤིན་ཏུ་ལེགས་སོ་ཉི་ཟླའི་འོད།།ཅང་མི་གསུང་བར་སྨང་མི་མཛད།།ཤིན་ཏུ་ལེགས་སོ་རིན་ཆེན་གཏེར།།དབུལ་ཕོངས་རྣམས་ལ་སྦྱིན་མི་མཛད།།ཤིན་ཏུ་ལེགས་སོ་མི་ཡི
291b2 རྒྱལ།།ཏིང་ངེ་འཛིན་ལས་བཞེངས་སུ་གསོལ།།ཤིན་ཏུ་ལེགས་སོ་ཀླུ་ཡི་རྒྱལ།།བདུད་རྩིའི་ཆར་པ་དབབ་དུ་གསོལ།།ཤིན་ཏུ་ལེགས་སོ་ལྷ་ཡི་མཆོག།མྱུར་དུ་ཆོས
291b3 རྣམས་བསྟན་དུ་གསོལ།།ཤིན་ཏུ་ལེགས་སོ་སེམས་ཅན་ལ།།ཐེག་པ་གཅིག་དྲོན་བསྟན་དུ་གསོལ།།དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ནས
291b4 འཁོར་མང་པོ་རྣམས་ལ་འདི་སྐད་ཅེས་བཀའ་སྩལ་ཏོ།།ང་ལ་རིན་པོ་ཆེ་བླ་ན་མེད་པའི་ཡེ་ཤེས་མང་དུ་ཡོད་པ་ཁྱོད་ལ་ཕན་པ་དང་བདེ་བླར་མཛད་ཅིང་དབུལ་ཕོངས་པ་དང
291b5 བྲལ་བར་བྱ་བ་ཡོད་ཀྱིས་ཐེ་ཚོམ་མ་བྱེད་པར་ཅི་དང་ཅི་འདོད་པ་དྲིས་ཤིག།དེ་ནས་དགའ་བོས་སྟན་ལས་ལངས་ཏེ་སངས་རྒྱས་ལ་འདི་སྐད་ཅེས་གསོལ་ཏོ།།བཅོམ་ལྡན
291b6 འདས་བདག་གིས་ནི་མང་དུ་ཐོས་པས་བླ་ན་མེད་པའི་བྱང་ཆུབ་མྱུར་དུ་འཐོབ་སྙམ་ན་མདོ་སྡེ་དག་ལས་བཤད་པ་ཐོས་པ་ལྟར་ན་མང་དུ་ཐོས་ཤིང་ཤེས་རབ་རྣོ་བའི་དབང་པོ་དང་ལྡན་པ་ནི།
291b7 བྱང་ཆུབ་ཐོབ་པ་ཤིན་ཏུ་དཀའ་སྟེ་བགེགས་བརྒྱད་དུ་སྐྱེའོ་ཞེས་འབྱུང་ན།བདག་གིས་ཇི་ལྟར་བླ་ན་མེད་པའི་བྱང་ཆུབ་ཐོབ་པར་འགྱུར།བཅོམ་ལྡན་འདས་ཀྱིས་དགའ་བོ་ལ་བཀའ
iiif viewer powered by OpenSeadragon
