| e-texts navigator |
| Wylie |
271a1 ལགས་སོ།།བཅོམ་ལྡན་འདས་ཀྱིས་བཀའ་སྩལ་པ།དགེ་སློང་དག་རྒྱལ་པོ་དགེ་བ་བཀོད་པས་ངའི་བསྟན་པ་ལ་དགེ་སློང་གི་ཚུལ་དུ་བྱས་ནས།བསྐལ
271a2 པ་མངོན་འཕགས་རྒྱལ་པོ་ཞེས་བྱ་བ་ལ་འཇིག་རྟེན་གྱི་ཁམས་ཡངས་ལྡན་དུ།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག
271a3 པ་དང་ཞབས་སུ་ལྡན་པ།བདེ་བར་གཤེགས་པ་འཇིག་རྟེན་མཁྱེན་པ།སྐྱེས་བུ་འདུལ་བའི་ཁ་ལོ་སྒྱུར་བ།བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས
271a4 བཅོམ་ལྡན་འདས་ས་ལའི་དབང་པོའི་རྒྱལ་པོ་ཞེས་བྱ་བར་འཇིག་རྟེན་དུ་འབྱུང་སྟེ།དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
271a5 སངས་རྒྱས་ས་ལའི་དབང་པོའི་རྒྱལ་པོ་དེའི་བྱང་ཆུབ་སེམས་དཔའི་དགེ་འདུན་དཔག་ཏུ་མེད་པ་དང་།ཉན་ཐོས་ཀྱི་དགེ་འདུན་དཔག་ཏུ་མེད་པར་འགྱུར་རོ།།འཇིག
271a6 རྟེན་གྱི་ཁམས་ཡངས་ལྡན་ཡང་།ལག་མཐིལ་ལྟར་མཉམ་པར་འགྱུར་རོ།།དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
271a7 དེ་ཡོན་ཏན་བསམ་གྱིས་མི་ཁྱབ་པར་འགྱུར་རོ།།རིགས་ཀྱི་བུ་དག་དེའི་ཚེ་དེའི་དུས་ན་རྒྱལ་པོ་དགེ་བ་བཀོད་པ་ཞེས་བྱ་བར་གྱུར་པ་དེ།གཞན་ཞིག་ཡིན་སྙམ་དུ
iiif viewer powered by OpenSeadragon
