| e-texts navigator |
| Wylie |
456a1 ཕལ་ཆེར་གདོལ་པའི་རིགས་སུ་སྐྱེ།།རྔོན་པ་སླེ་ཤ་ཅན་རིགས་དང་།།ཡང་ན་འཕྲ་མེན་རིགས་སུ་སྐྱེ།།ཤ་བཟའི་རིགས་སུ་སྐྱེ་བར་འགྱུར།།སྲིན་པོ་བྱི
456a2 ལ་ལྔ་སོགས་པའི།།མངལ་ཀུན་ཏུ་ནི་སྐྱེ་བར་འགྱུར།།གླང་པོ་འཆིང་དང་སྤྲིན་ཆེན་དང་།།སོར་མོ་ཕྲེང་བའི་མདོ་དག་དང་།།ལང་ཀར་གཤེགས་པའི་མདོ་འདི་ལས།།
456a3 ངས་ནི་ཤ་རྣམས་རབ་ཏུ་བཀག།སངས་རྒྱས་བྱང་ཆུབ་སེམས་དཔའ་དང་།།ཉན་ཐོས་རྣམས་ཀྱིས་སྨད་པ་དང་།།ངོ་མི་ཚ་བར་ཟ་བ་ནི།།རྟག་ཏུ་གླེན་པར་སྐྱེ་བར་འགྱུར།།
456a4 སྔར་ཡང་མཐོང་ཐོས་དོགས་པ་ཡི།།ཤ་རྣམས་ཐམས་ཅད་སྤང་བར་བཤད།།རྟོག་གི་རྣམས་ཀྱིས་མ་རྟོགས་པས།།དེ་ཕྱིར་ཤ་ཟན་གནས་སུ་སྐྱེས།།ཇི་ལྟར་འདོད
456a5 ཆགས་ཉེས་པ་ཡིས།།འཕགས་པའི་རྣམ་གྲོལ་སྒྲིབ་འགྱུར་ཞིང་།།ཤ་ཆང་སྒོག་བཙོང་ལ་སོགས་པའང་།།འཕགས་པའི་ལམ་གྱི་བར་ཆད་བྱེད།།མ་འོངས
456a6 དུས་ཀྱི་སྐྱེ་བོ་དག།ཤ་བཟའ་གཏི་མུག་སྨྲ་བ་རྣམས།།ཤ་ནི་སྡིག་མེད་རུང་བས་ན།།སངས་རྒྱས་ངད་ལ་གནང་ཞེས་ཟེར།།ཟས་ལ་སྨན་སྟེན་འདུ་ཤེས་དང་།།དེ
456a7 བཞིན་བུ་ཤ་ལྟ་བུར་ཡང་།།ཆོས་ཤེས་སྐྱོ་བ་བསྐྱེད་ནས་ནི།།རྣལ་འབྱོར་ཅན་གྱིས་བསོད་སྙོམས་སྤྱོད།།སྙིང་རྗེ་སེམས་ལ་གང་གནས་པ།།ཡོངས་སུ་སྐྱོ་བར་ང་ཡིས
iiif viewer powered by OpenSeadragon
