| e-texts navigator |
| Wylie |
455b1 ཐམས་ཅད་འཇིགས་སྐྲག་པས།།ཤ་རྣམས་དང་ནི་བཙོང་དག་དང་།།ཀེའུ་དང་བྱི་རླུ་ལ་སོགས་དང་།།བག་མེད་སྣ་ཚོགས་འགྱུར་བའི་ཆང་།།རྣལ་འབྱོར་པས་ནི
455b2 རྟག་ཏུ་སྤང་།།འབྲུ་མར་དག་ཀྱང་སྤང་བྱ་སྟེ།།བུ་ག་ཕུག་པའི་ཁྲི་ཡང་སྤང་།།སྲོག་ཆགས་དག་ནི་ཕྲ་མོ་རྣམས།།དེ་ན་རབ་ཏུ་འཇིགས་ཕྱིར་རོ།།ཟས་ལས་བག
455b3 མེད་སྐྱེ་བར་འགྱུར།།བག་མེད་པ་ལས་རྟོག་པ་སྐྱེ།།རྟོག་པ་ལས་ནི་འདོད་ཆགས་སྐྱེ།།དེ་ཡི་ཕྱིར་ན་བཟའ་མི་བྱ།།ཟས་ཀྱི་དབང་གིས་འདོད་ཆགས་སྐྱེ།།འདོད་ཆགས
455b4 ཀྱིསྲན་སེམས་རྨོངས་བྱེད།།རྨོངས་པས་སྲིད་པའི་འདོད་པ་སྐྱེད།།འཁོར་བ་ལས་ནི་གྲོལ་མི་འགྱུར།།ཁེ་ཡི་ཕྱིར་ནི་སེམས་ཅན་གསོད།།ཤ་ཡི་ཕྱིར་ནི་ནོར་སྦྱིན་བྱེད།།
455b5 གཉིས་ཀ་སྡིག་པའི་ལས་ཅན་པས།།ཤི་ནས་འོ་དོད་འབོད་པར་ལྟུང་།།བཅོལ་ཚོལ་འདུ་ཤེས་དེ་མེད་ན།།རྣམ་གསུམ་དག་པའི་ཤ་ཡང་མེད།།རྒྱུ་མོད་ལས་ནི
455b6 ཡོད་མིན་པས།།དེ་ཡི་ཕྱིར་ན་བཟའ་མི་བྱ།།རྣལ་འབྱོར་པ་ནི་དེ་དག་གིས།།དེས་ན་ཐམས་ཅད་སྤང་བྱར་བྱ།།ཕྱོགས་བཅུ་སངས་རྒྱས་བཅོམ་ལྡན་འདས།།ཐམས
455b7 ཅད་རབ་ཏུ་སྨོད་པར་འགྱུར།།གཅིག་ལ་གཅིག་ནི་ཟ་བར་བྱེད།།ཤི་ནས་གཅན་གཟན་རིགས་སུ་ལྟུང་།།དྲི་མི་ཞིམ་པ་སྨད་པ་དང་།།གླེན་པ་དག་ཏུ་སྐྱེ་བར་འགྱུར།།
iiif viewer powered by OpenSeadragon
