| e-texts navigator |
| Wylie |
451a1 དཔའི་སྤྱད་པ་སྤྱོད་པ་རྣམས་རབ་ཏུ་སྤྲོ་བར་བྱ་བའི་ཕྱིར་དང་།འཇིག་རྟེན་འདི་དང་གཞན་དག་ན་བྱང་ཆུབ་སེམས་དཔའི་སྤྱད་པ་སྤྱོད་པ་གང་དག་ཉན་ཐོས་ཀྱི
451a2 ཐེག་པས་ཡོངས་སུ་མྱ་ངན་ལས་འདྲའ་བར་མོས་པ་དེ་དག་ཉན་ཐོས་ཀྱི་ཐེག་པ་ལས་བཟློག་ནས་ཐེག་པ་ཆེན་པོ་ལ་རབ་ཏུ་བརྩོན་པར་བྱ་བའི་ཕྱིར་སྤྲུལ་པའི་སངས་རྒྱས་ཀྱིས
451a3 ཉན་ཐོས་རྣམས་ལ་ལུང་བསྟན་པ་ཡིན་གྱི།ཆོས་ཉིད་ཀྱི་སངས་རྒྱས་ཀྱིས་ནི་མ་ཡིན་ནོ།།བློ་གྲོས་ཆེན་པོ་རྒྱུ་དེས་ན་ཉན་ཐོས་རྣམས་བྱང་ཆུབ་སེམས་དཔའ་དག་དང
451a4 ཐ་མི་དད་པར་ལུང་བསྟན་ཏོ།།བློ་གྲོས་ཆེན་པོ་དེ་ལྔ་ཐ་མི་དྲུད་པ་ཞེས་བྱ་བ་ནི་ཉན་ཐོས་དང་།རང་སངས་རྒྱས་དང་།སངས་རྒྱས་བཅོམ་ལྡན་འདས་རྣམས་ཉོན་མོངས
451a5 པའི་སྒྲིབ་པ་སྤངས་པ་དང་།རྣམ་པར་གྲོལ་བ་རོ་གཅིག་པའི་ཕྱིར་ཡིན་གྱི།ཡེ་ཤེས་ཀྱི་སྒྲིབ་པ་སྤངས་པ་ནི་མ་ཡིན་ནོ།།བློ་གྲོས་ཆེན་པོ་ཡེ་ཤེས་ཀྱི་སྒྲིབ་པ་ནི་ཆོས
451a6 བདག་མེད་པར་མཐོང་བའི་ཁྱད་པར་གྱིས་རྣམ་པར་དག་པར་འགྱུར་ལ།ཉོན་མོངས་པའི་སྒྲིབ་པ་ནི་སྔར་གང་ཟག་ལ་བདག་མེད་པར་མཐོང་བ་ལ་གོམས་པས་སྤོང་བར
451a7 འགྱུར་རོ།།དེ་ལ་རྣམ་པར་ཤེས་པ་བདུན་འགགས་པ་དང་།ཆོས་ཀྱི་སྒྲིབ་པ་ལས་རྣམ་པར་གྲོལ་བ་དང་།ཀུན་གཞི་རྣམ་པར་ཤེས་པའི་བག་ཆགས་འགགས
iiif viewer powered by OpenSeadragon
