| e-texts navigator |
| Wylie |
450b1 གཤེགས་པ་རྣམས་ནི་རྟག་ཏུ་མཉམ་པར་བཞག་པའི་ཕྱིར་རྟོག་པའང་མེད།སྤྱོད་པའང་མེད་དོ།།སྤྲུལ་པའི་དེ་བཞིན་གཤེགས་པས་སངས་རྒྱས་ཀྱི་མཛད་པ་དག་སྤྲུལ་ཏོ།།
450b2 གཞན་ཡང་ཅིའི་སླད་དུ་རྣམ་པར་ཤེས་པ་རྣམས་ནི་སྐད་ཅིག་མ་གཅིག་ནས་གཅིག་ཏུ་རྣམ་པར་འཇིག་པའི་མཚན་ཉིད་དོ་ཞེས་གསུངས།གཞན་ཡང་ལག་ན་རྡོ་རྗེ་མཐུ
450b3 ནི་རྟག་ཏུ་འབྲང་ཞིང་སྲུང་བར་བྱེད་དོ།།ཐོག་མའི་མཐར་མི་འདོགས་སོ་ཞེས་གསུངས།གཞན་ཡང་བདུད་དང་།བདུད་ཀྱི་ལས་དང་།ཁ་ན་མ་ཐོ་བ་རྣམས་ཀྱི་རྣམ་པར
450b4 སྨིན་པ་དང་།བྲམ་ཟེའི་བུ་མོ་ཙན་ཙ་དང་།མཛེས་མཱ་ཀུན་ཏུ་རྒྱུ་དང་།ལྷུང་བཟེད་སྟོང་པར་སླར་གཤེགས་པ་ལ་སོགས་པ་ལས་ཀྱི་སྒྲིབ་པ་དག་གདའ་ན།ཅིའི་སླད་དུ
450b5 བཅོམ་ལྡན་འདས་ཀྱིས་རྣམ་པ་ཐམས་ཅད་མཁྱེན་པའི་ཡེ་ཤེས་བརྙེས་ཀྱང་ནོངས་པ་རྣམས་མ་བྲལ།བཅོམ་ལྡན་འདས་ཀྱིས་བཀའ་སྩལ་པ།བློ་གྲོས་ཆེན་པོ་དེའི་ཕྱིར
450b6 ལེགས་པར་ཉོན་ལ་ཡིད་ལ་གཟུང་ཞིག་དང་ངས་ཁྱོད་ལ་བཤད་དོ།།བློ་གྲོས་ཆེན་པོས་བཅོམ་ལྡན་འདས་ལ་གསོལ་པ།བཅོམ་ལྡན་འདས་དེ་བཞིན་འཚལ་ལོ་ཞེས
450b7 བཀའ་མཉན་པ་དང་།བཅོམ་ལྡན་འདས་ཀྱིས་བཀའ་སྩལ་པ།བློ་གྲོས་ཆེན་པོ་ལྷག་མ་མེད་པའི་མྱ་ངན་ལས་འདས་པར་བྱ་བའི་ཕྱིར་བཤད་དེ།བྱང་ཆུབ་སེམས
iiif viewer powered by OpenSeadragon
