| e-texts navigator |
| Wylie |
450a1 གཞལ་མེད་ཁང་།།འཇིག་རྟེན་མི་འཇིག་དངོས་པོའོ།།ཡང་དག་ཆོས་ཐོབ་གནས་པ་དང་།།དེ་བཞིན་གཤེགས་མཁྱེན་ཕུན་སུམ་ཚོགས།།དགེ་སློང
450a2 མཉམ་པ་ཉིད་ཐོབ་རྣམས།།སྐད་ཅིག་མར་ནི་ཇི་ལྟར་མཐོང་།།དྲི་ཟ་སྒྱུ་མ་ལ་སོགས་པའི།།གཟུགས་རྣམས་སྐད་ཅིག་ཡོད་མ་ཡིན།།ཡང་དག་མ་ཡིན་གཟུགས
450a3 སྲོསོགས་ལ།།ཡང་དག་ཉིད་དུ་ལྟེ་བར་བྱེད།།དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བཅོམ་ལྡན་འདས
450a4 ཀྱིས་ཇི་སྐད་དུ་དགྲ་བཅོམ་པ་རྣམས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་ལུང་བསྟན་པས་བྱང་ཆུབ
450a5 སེམས་དཔའ་རྣམས་དང་མཚུངས་ཤིང་བྱེ་བྲག་མ་མཆིས་པར་འགྱུར་རོ།།གལ་ཏེ་སེམས་ཅན་རྣམས་མྱ་ངན་ལས་འདའ་བའི་ཆོས་ཅན་ལགས་ན་སུ་ཞིག་མངོན་པར་རྫོགས
450a6 པར་བྱང་ཆུབ་པར་འགྱུར།གཞན་ཡང་ཇི་སྲིད་དུ་དེ་བཞིན་གཤེགས་པ་གང་གི་ནུབ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས
450a7 རྒྱས་པ་ནས་གང་གི་ནུབ་མོ་ཡོངས་སུ་མྱ་ངན་ལས་འདས་པ་དེའི་བར་དུ་ཡི་གེ་གཅིག་ཀྱང་མ་གསུངས།ལན་བཏབ་པའང་མེད་ཅེས་བཀའ་སྩལ།གཞན་ཡང་དེ་བཞིན
iiif viewer powered by OpenSeadragon
