| e-texts navigator |
| Wylie |
448b1 འདས་ཀྱིས་ཇི་སྐད་དུ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་སྤྱད་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་རོ་ཞེས་བཀའ་སྩལ་ན།
448b2 དྲུག་པོ་གང་ལགས།བཅོམ་ལྡན་འདས་ཀྱིས་བཀའ་སྩལ་པ།བློ་གྲོས་ཆེན་པོ་ཕ་རོལ་ཏུ་ཕྱིན་པའི་བྱེ་བྲག་ནི་རྣམ་པ་གསུམ་ཡོད་དེ།འདི་ལྟ་སྟེ།འཇིག་རྟེན་པ་དང་།འཇིག
448b3 རྟེན་ལས་འདས་པ་དང་།འཇིག་རྟེན་ལྔས་འདས་པའི་མཆོག་གོ།།བློ་གྲོས་ཆེན་པོ་དེ་ལ་འཇིག་རྟེན་པའི་ཕ་རོལ་ཏུ་ཕྱིན་པ་ནི་བདག་དང་བདག་གིར་འཛིན་པ་ལ་མངོན་པར་ཞེན
448b4 ཅང་མཐའ་གཉིས་སུ་འཛིན་པ།སྐྱེ་བའི་གནས་སྣ་ཚོགས་བླང་བ་དང་།གཟུགས་དང་།སྒྲ་དང་།དྲི་དང་།རྀ་དང་།རེག་བྱ་ལ་རབ་ཏུ་མོས་པའི་ཕྱིར་སྦྱིན་པའི་ཕ་རོལ་ཏུ
448b5 ཕྱིན་པ་ཡོངས་སུ་རྫོགས་པར་བྱེད་དོ།།ཚུལ་ཁྲིམས་དང་།བཟོད་པ་དང་།བརྩོན་འགྲུས་དང་།བསམ་གཏན་དང་།ཤེས་རབ་ཀྱང་དེ་བཞིན་ཏེ་བྱིས་པོ་སོ་སོའི་སྐྱེ་བོའི
448b6 མངོན་པར་ཤེས་པ་ཡོངས་སུ་འགྲུབ་པ་དང་།ཚངས་པའི་འཇིག་རྟེན་དུ་སྐྱེ་བར་འགྱུར་རོ།།བློ་གྲོས་ཆེན་པོ་འཇིག་རྟེན་ལས་འདས་པའི་ཕ་རོལ་ཏུ་ཕྱིན་པ་ནི་ཉན་ཐོས་དང་།
448b7 རང་སངས་རྒྱས་རྣམས་མྱ་ངན་ལས་འདས་པའི་འཛིན་པར་ལྷུང་བའི་ཕྱིར་ཕ་རོལ་ཏུ་ཕྱིན་པ་དྲུག་སྤྱོད་ཅིང་རང་གི་མྱ་ངན་ལས་འདས་པའི་བདེ་བ་ལ་མོས་པའོ།།འཇིག་རྟེན་ལས་འདས
iiif viewer powered by OpenSeadragon
