| e-texts navigator |
| Wylie |
447a1 བ་དང་བཅས་པ་དང་།ཁ་ནཱ་མ་ཐོ་བ་མེད་པ་དང་།ཟག་པ་དང་བཅས་པ་དང་།ཟག་པ་མེད་པ་དང་།ཟིན་པ་དང་།མ་ཟིན་པ་རྣམས་ཡིན
447a2 ཏེ།བློ་གྲོས་ཆེན་པོ་མདོར་ན་སེམས་དང་།ཡིད་དང་།ཡིད་ཀྱི་རྣམ་པར་ཤེས་པ་དང་།བགུ་ཆགས་རྣམས་ནི་ཉེ་བར་ལྡན་པའི་ཕུང་པོ་ལྔའི་རྒྱུ་དང་།སེམས
447a3 དང་།ཡིད་དང་།ཡིད་ཀྱི་རྣམ་པར་ཤེས་པའི་བག་ཆགས་རྒྱས་པར་བྱེད་པ་ཡིན་ཏེ།བྱིས་པ་སོ་སོའི་སྐྱེ་བོ་རྣམས་ཀྱིས་དགེ་བ་དང་།མི་དགེ་བར་ཡོངས
447a4 སུ་བརྟགས་སོ།།བློ་གྲོས་ཆེན་པོ་ཏིང་ངེ་འཛིན་གྱི་བདེ་བ་དང་།སྙོམས་པར་འཇུག་པས་མཐོང་བའི་ཆོས་ལོ་བདེ་བར་གནས་པ་ནི་འཕགས་པ་རྣམས་ཀྱི་དགེ
447a5 བ་ཟག་པ་མེད་པ་ཞེས་བྱའོ།།བློ་གྲོས་ཆེན་པོ་དེ་ལ་དགེ་བ་དང་མི་དགེ་བ་ཞེས་བྱ་བ་ནི་འདི་ལྟ་སྟེ།རྣམ་པར་ཤེས་པ་བརྒྱད་རྣམས་སོ།།བརྒྱད་གང་ཞེ་ན།འདི་ལྟ་སྟེ།།
447a6 དེ་བཞིན་གཤེགས་པའོ་སྙིང་པོ་ཀུན་གཞི་རྣམ་པར་ཤེས་པ་ཞེས་བསྒྲགས་པ་དང་།སེམས་དང་།ཡིད་དང་།ཡིད་ཀྱི་རྣམ་པར་ཤེས་པ་དང་།རྣམ་པར
447a7 ཤེས་པ་ལྔའི་ཚོགས་རྣམས་ཏེ།མུ་སྟེགས་ཅན་གྱིས་བརྗོད་པར་བྱ་བ་མ་ཡིན་ནོ།།བློ་གྲོས་ཆེན་པོ་རྣམ་པར་ཤེས་པའི་ཚོགས་ལྔ་ནི་སེམས་དང་།ཡིད
iiif viewer powered by OpenSeadragon
